ఈ పుట అచ్చుదిద్దబడ్డది
ఊపి____ఊర 233 ఊర____ఊర
ఊపిరి తిప్పుకొన లేక పోవు
- ఉక్కిరి బిక్కిరి అగు.
- "ఈ పనితో ఊపిరి తిప్పుకొన లేక పోతున్నాను." వా.
- చూ. ఊపిరి ఆడకుండు.
ఊపిరి బిగబట్టు
- కాస్త ఓపిక పట్టు.
- "ఈ ఒక్కరోజూ కాస్త ఊపిరి బిగపట్టి ఉండు వదినా! రేపు మేము వెళ్లిపోతాం. అప్పుడు నీయిష్టం వచ్చినట్టు నీపిల్లలను కొట్టుకొందువుగానిలే." వా.
ఊపిరి మోచు
- బ్రతుకు.
- "ఊపిరి మోచిననాడే బట్టికొంటివాస లెల్ల." తాళ్ల. సం. 8. 83
ఊపిరి సలపడం లేదు
- పని యెక్కు వైన దనుట.
- చూ. ఊపిరాడడం లేదు.
ఊరక పడి యుండు
- మరొక ఆలోచన లేకుండా ఉండిపోవు.
- "ఎవ్వారి దాన నిచట నూరక పడియుండ." కళా. 4. 110.
- "ఏదో ఇంత తిని ఊరికే పడి ఉండరా?" వా.
- "నా కెందుకు? వాళ్లేమైనా చేసుకొనీ. నేను ఎక్కడో ఒకచోట ఊరికే పడి ఉంటాను." వా.
ఊరక పోదు
- వ్యర్థము కాదు.
- "నాకును బ్రియం బగు టొక్కటి యెక్కు డాప్రియం, బూరక పోదు..." కళా. 5. 195.
- "నా వంటివానికి చెరుపు చేస్తే ఊరికే పోదు." వా.
ఊరగుంత
- రొచ్చుగుంట వంటిది. తాళ్ల. సం. 12. 151.
ఊరంత బలగము
- ఎక్కువ బలగము.
- "ఊరంతబలగంబు." విజయ. 3. 133.
- "వారి కేమమ్మా, ఊరంత బలగ ముంది. ఏ పని పట్టుకున్నా గబగబా ముగించగలరు." వా.
ఊరంతా ఉడుకు
- గగ్గో లగు.
- "ఓషధిప్రస్థ ముల్లల నుడుకుచుండ." హర. 5. 10.
- "పక్క ఊళ్లో దొంగలు పడ్డారని తెలిసి ఈ ఊరంతా ఉడికిపోతూ ఉంది." వా.
- "వా డాపిల్లను లేవదీసుకు పోయా డని ఊరంతా ఉడికి పోతూ ఉంది." వా.
ఊరంతా గుప్పు మను
- పొక్కు; ఊరందరికీ తెలియు. కొత్త. 434.
ఊరకుక్క
- పనికి మాలినది.
- "నూరు ఊరకుక్క లైనా ఒక వేట కుక్కతో సరి పోవు." వా.
ఊరజోగి
- ఊరూరు తిరిగి భిక్ష మెత్తుకొనువాడు.
- "ఊరగకంకణుతోడ నూరజోగులను, సరి చేసి యెన్నినచందాన నీవు." గౌ. హరి. ప్రథ. పంక్తి. 175-176.
