పుట:PadabhamdhaParijathamu.djvu/130

వికీసోర్స్ నుండి
ఈ పుట అచ్చుదిద్దబడ్డది

అస______అసా 104 అసి______అసి

అసలు చొచ్చి అలయు

  • తెలిసి తెలిసి బాధలో పడు.
  • తాళ్ళ. సం. 11. 3 భా.74.

అసలు మసలు

  • సమాన మగు, ఎసక మెసగు లాంటిది.
  • "కిసలయచ్ఛవి పునరుక్తి నసలు మసలు." పాండు. 1. 131.

అసవు సవు లగు

  • అదవదలగు. హర. 3. 10.

అసహాయశూరుడు

  • ఏ సహాయమూ లేకనే పోరాడగలవాడు అనుట.
  • పోరులోనే కాక దేనిలో సమర్థు డైనా దీనిని ఉపయోగిస్తారు.
  • "వాడు ఏ దేశానికి పోతే నేం? ఏ ఊరికి పోతే నేం? జయించికొని రాగలడు. అసహాయశూరుడు మఱి," వా.

అసావాదిత్యో బ్రహ్మ గా

  • ఏదో సూటిగా చెప్పక తిరుగుళ్లుగా చెప్పు.
  • సంధ్యావందనంలో 'అసా వాదిత్యో బ్రహ్మ' అంటూ తలచుట్టూ చెయ్యి తిప్పుతూ నీళ్లను చల్లుటపై వచ్చిన పలుకుబడి.
  • "ఈ అసావాదిత్యో బ్రహ్మ అంతా నాకు సరిపడదు. ఇస్తే ఇస్తా నను, లేకుంటే లే దను." వా.

అసికోతలు కోయు

  • కడికండలుగా చేయు.
  • చిన్న చిన్న ముక్కలుగా నఱుకు.

        "నెట్టన మొల నున్న నెఱికత్తి దిగిచి,
         కొన్నింటి ముక్కులు కొన్నింటీ
         చెవులు, గొన్నింటి చెక్కులు గోతలు
        వెట్టి, యసికోతలుగ గోయ."
                           ద్వి. హరిశ్చ. పూ. 2040.

అసిధారావ్రతము

  • అతికష్ట మైనది.
  • కత్తివాదరపై నడచుటవంటి దనుట.
  • "వానితో వ్యవహరించడ మంటే అసిధారావ్రతమే." వా.

అసిమిలోని దొకటి, అమ్మెడి దొకటి

  • ఒకటి ఉంటే ఒకటి పైకి చెప్పు.
  • "అసిమిలోని దొకటి యమ్మెడిదొక్కటి, నీ చరిత్ర మెల్ల నేడు తెలియ." హరి. 2. 151.
  • చూ. అమ్మే దొకటి అసిమిలో దొకటి.

అసియాడు

  • అటూ ఇటూ తీగవలె వంగు, ఊగు, అసి = కత్తి - కూడా అలా కదిలించినప్పుడు అసియాడుతుంది. అందుపై వచ్చినమాట కావచ్చును.
  • "కానుదీగ లసియాడ." భీమ. 5. 5. 15.
  • పాండు. 3. 77.
  • వుజయ. 1. 126.