ఈ పుట ఆమోదించబడ్డది
అఱ_____అఱ
90
అఱ_____అఱ
- "శిష్టాన్న భోజనపరు లగు పుణ్యులకుం
బుణ్యలోకంబు లఱచేతిలోనివి గావె."
- భార. శాంతి. 1. 72.
అఱచేతు లొగ్గు
- చూ. అఱచేతిది.
- అఱచేతు లడ్డముగా పెట్టు.
- ఉత్త. 6. 138.
అఱచేయు
- మన:పూర్వకంగా కాక యేదో పట్టీ పట్టనట్లు చేయు.
- "అఱచేసిన దోషము వచ్చు."
- భోజ. 4. 38.
అఱజాతి
- నీచుడు.
- కులహీను డనుటపై వచ్చిన పలుకుబడి.
- "నీపను లఱజాతివి." హరి. పూ. 5. 24.
- "ప్రల్లదు డఱజాతి భక్తిహీనుండు." బసవ. 1 ఆ.
అఱ తలనొప్పి
- ఒంటిపార్శ్వం నొప్పి.
- తల ఒకవేపే నొప్పి ఉదయం ప్రారంభమై మధ్యాహ్నం దాకా పెరుగుతూ వస్తుంది. ఇది ఆరంభ మయితే చాలా కాలం ఉండడం, విపరీతంగా బాధించడం అలవాటు.
- "పొద్దు న్నే సూర్యోదయం కాక ముందే పెరుగన్నం తింటే మూడురోజులలోనే అరతలనొప్పి మాయమై పోతుంది." వా.
అఱపులకు నేర్పరి
- మాటలలో గట్టివాడు, క్రియలో నేర్పరి కాదన్న సూచన ఇందులో ఉన్నది.
- "నిను నెఱుగమె యఱపులకును నేర్పరి వని....." కళా. 7. 22.
అఱపొఱడు
- గూనివాడు.
అఱమపాఱుడు
- కపటబ్రాహ్మణుడు.
- "అఱమపాఱుండు ప్రక్కలు విఱుగ నగుచు." కుమా. 7. 19.
అఱలేని కూర్మి
- అఱకొఱ లేనిప్రేమ.
- "ధవు డఱ లేనికూర్మి జవదాటక నీపలు కాదరింపగా." పారి. 1. 62.
అఱవచాకిరి
- గొడ్డుచాకిరి.
- "ఎవరు చేస్తారు రా వాళ్ళింట్లో అరవచాకిరీ." వా.
అఱవయేడుపు
- దొంగయేడుపు.
- "ఈ అఱవయేడుపులు ఏడిస్తే నేను మోసపోయేవాణ్ణి కాదు తెలుసుకో." వా.
అఱసేయక
- వెనుదీయక-మనసులో దాచు కొనక.
- "నీకు నఱసేయక సెప్పెద." కాశీ. 6. 267.