44
నవనాథచరిత్ర
మత్త చకోరంబు ◆ మలయుక్రొమ్మించు
రతిపువ్వుఁబోడి భా◆రతి ముద్దు చిలుక
లత యనఁ బసిఁడి స ◆ లాకన నొప్పు
గరువంబు మురువును ◆ కలికితనంబు
మురిపెంబు నొయ్యార◆మును దడబడఁగఁ
గలహంసనడకల ◆ కస్తూరిమృగము
పొలసినలీల న◆ పూర్వవాసనలు
కలసి కదంబింపఁ ◆ గా నరుఁ జూచి
వలచి యేతెంచు నూ◆ ర్వసి చందమునను
వచ్చు చిత్రాంగికి ◆ వసుధేశసుతుఁడు
అచ్చుగా నెదురేగి ◆ యడుగుల కెఱఁగి
వినయ మేర్పడ మున్న ◆ వికసిల్లువానిఁ
గనుఁగొని యలవాలు ◆ గంటి యిట్లనియె
నీరూపురేఖలు ◆ నీ జాణతనము
నీరాజసంబును ◆ నిచ్చలుఁ బొగడ
వీనుల విందుగా ◆ వినివినివేడ్కఁ
గానఁగా వేడుక ◆ గంటి ని న్నిపుడు
తలఁపులు తలకూడె ◆ దైవంబు దెచ్చె
గలిగెఁగన్నుల విందు ◆ గాఁజూడ నిన్ను
నేపనికైన మా ◆ కిఁక నీవు గలుగ
భూపాలునెడ భయం ◆ బులు వొందనేల
మెచ్చువన్నెలు మాని ◆ మేడలోపలికి
వచ్చి యొకించుక ◆ వడి విశ్రమించ
విచ్చేయుమనినఁ దా ◆ వింతనవ్వొలయు
నచ్చారులోచన ◆ కతఁడు నిట్లనియె
నేణాక్షి వినుము నా ◆ కెప్పుడు మిగులఁ
బ్రాణపదంబైన ◆ పారావతంబు
పొడవు గాఁజని పెంపు ◆ పొడగాన లేక
వడివచ్చి యిచ్చోట ◆ వాలుటం జూచి
దానివెంబడి వచ్చి ◆ ధరణీశ్వరుండు
లేనిచోటైనఁ ద ◆ ల్లివి నీవు గాన
రవిరశ్మికిని జొర ◆ రాని నీవున్న
భవనాంగణమునకు ◆ భయమింత లేక
