ప్రథమాశ్వాసము
31
బసులపాపల జ్వర ◆ భారపీడితుల
కెసరు రోగంబులు ◆ నిఱ్ఱింకులింక
వారికిఁ గానని ◆ వారికి నాఁడు
వారికి మఱియు నె ◆ వ్వారికినైనఁ
జాలు మా కని తారె ◆ చనునంత దాఁకఁ
బాలుఁ బోయింపుదుఁ ◆ బాయసంబిడుదు
నాకాచు పశువులు ◆ నన్నేలు రాజు
నీ కృపఁ జల్లనై ◆ నెగడు నిచ్చలును
తీపులుండెడిపాలు ◆ తెచ్చి సేవింతు
నీపాదపద్మముల్ ◆ నేఁడాదిగాఁగ
నడుపుదు నన మీన ◆ నాథుఁ డుల్లమున
నడరిన భక్తికి ◆ ననురాగ మొంది
యనఘాత్మ నీమాట ◆ కనుమతించితిమి
విను మిట్టి భీకర ◆ విపినమధ్యమున
నిమ్మహాగిరిమీఁద ◆ నీ గుహలోన
నెమ్మది వసియించి ◆ నిఖిలంబు మఱచి
నాగభూషణుని మ ◆ న్నన నబ్బినట్టి
యోగామృతముగ్రోలు ◆ చున్న నాకడకు
నొంటి నీ వచ్చుట ◆ కొడఁబడి యూర
కుంటిమి గాన నిం ◆ కొరులు నీజాడ
కందుగా వచ్చి మా ◆ కందుపల్ గన్నఁ
గందు మా[1]మన మట్టు ◆ గాన నీ విందు
వచ్చు టెఱింగింప ◆ వలవ దెవ్వరికి
నిచ్చలు నిటమీఁద ◆ నీవు మాకడకు
తెచ్చి దుగ్ధంబులు ◆ తెఱఁగొప్ప నిచ్చి
చెచ్చెరఁ జనుచుండు ◆ చెడుగునెపంబు
పొచ్చెవోకుండ నే ◆ ర్పునఁ జరియింపు
మచ్చుగా నీవింక ◆ నావుల వెంట
మసలక చనుమన్న ◆ మత్స్యనాథునకు
వసుధఁజాఁగిలి మ్రొక్కి ◆ వాఁడటువాసి
మగుడి మందకుఁ బోయి ◆ మఱునాఁటనుండి
మిగులఁ బ్రొద్దున నిద్ర ◆ మేల్కనిలేచి
- ↑ మెరన
