పుట:Navanadhacharitra.pdf/292

వికీసోర్స్ నుండి
ఈ పుట అచ్చుదిద్దబడ్డది

256

నవనాథచరిత్ర

జూపులయొరపు న ◆ చ్చునఁ బోసినట్లు
మది నిల్ప మెలుపారు ◆ మలయమారుతము
పొదలెడువిరహాగ్నిఁ ◆ బ్రోదిగావింప
నంతకంతకు దట్ట ◆ మై నెట్టుకొనిన
సంతాపమునఁ బొందిఁ ◆ జరపఁగా లేక
పరిచారవర్తులఁ ◆ బంపి యా సిద్ధ
వరుని రప్పించి సౌ ◆ వర్ణ పీఠమున
నునిచి సమ్మతి పూజ ◆ లొనరించి వినయ
మెనయ నిట్లనె భువి ◆ నెల్ల విద్యలను
ఘనులంచు మి మ్మనే ◆ క ప్రకారములఁ
జనులు నతింతు రా ◆ శ్చర్యంబుగాఁగ
ననయంబు భవదీయ ◆ మగు మంత్రశక్తిఁ
గనుఁగొనఁ దివిరెడుఁ ◆ గౌతుకం బాత్మ
సొలవఁగ నిజముగాఁ ◆ జూపఁగా వలయు
వెలయ నాకర్షణ ◆ విద్య మా కనిన
నాపురుష శ్రేష్ఠుఁ ◆ డల్లన నవ్వి
రూపింప మద్గురు ◆ రూఢ్యుపదేశ
మేపార నెఱిఁగినే ◆ నెఱిఁగింతు నరయ
భూపాల వేఁడు మ ◆ ద్భుతము వేఱొకటి
నావుడు నమ్మహీ ◆ నాయకుం డనఘ
యీ విద్యపైఁ బ్రీతి ◆ యెంతయుఁ గలదు
నాకును నిపుడు మ ◆ న్మథ ప్రీతి నొకతె
నీ కందువను జూపు ◆ మింతియ చాలు
ననుటయు నతని ప్రే ◆ మాతిశయంబు
మనమునఁ గాంచి య ◆ మ్మదిరాక్షియున్న
గుఱుతును బ్రాయంబు ◆ కొలఁదియుఁ బేరుఁ
దెఱఁగొప్ప నడిగి య ◆ తి స్థిరధ్యాన
ధీరుఁడై మంత్రాధి ◆ దేవతఁ దలఁచి
సారంబుగాఁ గొంత ◆ జప మాచరించి
మీఁదుఁ జూచుచు మిట్టు ◆ మిడిచి హుంకార
నాదంబు చెలఁగ ము ◆ న్నవలీల మెఱసి
యాకర్షణముచేసి ◆ యానాథుఁ డప్పు
డాకాంత పలుదోము ◆ నవసరం బగుట