పుట:Navanadhacharitra.pdf/286

వికీసోర్స్ నుండి
ఈ పుట అచ్చుదిద్దబడ్డది

250

నవనాథచరిత్ర

మందులపస నమ్మి ◆ మరి వచ్చు దాని
మందుఁడె యైనను ◆ మరి యియ్యకొనునె
[1]కైతవక్రియలు ని ◆ క్కంబు గావనిన
నాతనితో సిద్ధుఁ ◆ డధిప నీ వొకని
నుడికెడు నూనెలో ◆ నుఱికింపు మగుడఁ
బడయలేకున్న నా ◆ ప్రాణంబు లిత్తు
ననవుడు మనుజేంద్రుఁ ◆ డతనితో సిద్ధ
జనముఖ్య యొరు లిట్టి ◆ సాహసంబునకు
వెఱతురు నీవె త ◆ ద్విద్యామహత్త్వ
[2]మెఱుఁగఁ జూపుము మాకు ◆ నే గతి నైన
మఱవక నీ వెర్గు ◆ మందు లన్నియును
గుఱుతుగా మాకుఁ గై ◆ కొని చూపి యిచ్చి
యుఱుకుము నూనెలో ◆ నుఱికినపిదపఁ
దెఱఁ గొప్ప నీవు బో ◆ ధించినయట్ల
పరమౌషధము మేము ◆ వై చెద మనిన
ధరణీశుతోడ నా ◆ తాపసి వలికె
విను మానవేంద్ర బల్వి ◆ డి రాజసమునఁ
జనఁజొచ్చి యనృతభా ◆ షలు ప్రకటించి
నమ్మించి యొరుల ప్రా ◆ ణములు హరించి
ముమ్మరంబగు పాప ◆ మునఁ బొంది యిహముఁ
బరమును లేక ని ◆ ర్భర నరకాగ్ని
నెరియుచునుండ నే ◆ నింత మూడుఁడనె
తరలక యీతప్త ◆ తైలంబులోన
నుఱికెద నేను మీ ◆ కొగి నిప్పు డిచ్చు
నీయౌషధమును వే ◆ యింపుమీ యపుడు
న్యాయంబు దప్పక ◆ నరనాథతిలక
సంతతవ్యసన ప్ర ◆ సక్తులై కుటిల
చింతాపరాయణ ◆ చిత్తులై రాజ్య
మత్తులై వర్తించు ◆ మండలాధీశు
లెత్తెఱంగున రోయ ◆ రేపాపమునకుఁ
గాన నీచేతికిఁ ◆ గాక మధ్యస్థు
లైనవారలచేతి ◆ కామందు లిత్తు

  1. లవుకికక్రియలు
  2. నెరయ జూపుము