పుట:Navanadhacharitra.pdf/236

వికీసోర్స్ నుండి
ఈ పుట అచ్చుదిద్దబడ్డది

198

నవనాథచరిత్ర

వితతగోపుర రత్న ◆ వేది వితాన
సలలితధ్వజ హేమ ◆ సౌధ మాణిక్య
కలిత తోరణ తురఁ. ◆ గ ద్విరదాభి
రామమై కుసుమితా ◆ రామమై పుణ్య
ధామమై లోకమా ◆ తకు మహాకాళి
కెలమితో వసియింప ◆ నెల్ల కాలమును
నెలవైన యుజ్జయ ◆ నీ పురిఁ గాంచి
సరిఁజొచ్చి యచ్చట ◆ సవిధముననుఖర
కరవాళ దళిత సూ ◆ కర కంఠరక్త
పంక పంకిల సమీ ◆ ప ప్రదేశమును
హుంకారరావ మ ◆ హోగ్ర భేతాళ
శాకినీ భూత పి ◆ శాచ సంకులము
నైకనత్కనక స ◆ మంచిత శిఖర
మంజుకీలిత శోణ ◆ మాణిక్య కిరణ
[1]పుంజ సంరక్త న ◆ భో మండలమున
నతిరౌద్రరూప మ ◆ హాకాళనాథ
వితత జటాజూట ◆ వివర భుజంగ
పటుతర పూత్కార ◆ భవ పవమాన
చటుల చిత్రధ్వజ ◆ శత విరాజితము
పణవ భేరీ పటు ◆ పటహ మృదంగ
ధణధణ ధ్వాన వి ◆ దారితాశాంత
కరికర కుహరంబు ◆ కర్పూర తైల
పరిచిత దీపికా ◆ ప్రకరంబు నైన
యా మహాకాళీ గృ ◆ హంబున కరిగి
వేమాఱు దన్మూర్తి ◆ వీక్షించి యందు
గఱగఱమని మేని ◆ కండ లొండొంటిఁ
దఱిగి వ్రేల్చెడివారు ◆ తలల మొదళ్లఁ
దిగిచి గంధంబుగ ◆ దేవిపై నెల్ల
నిగుడించు వారలు ◆ నెరయ సాహసము
తోరంపుఁ బ్రేవులు ◆ దుస్సిరాఁదిగిచి
తోరణంబులు గట్టఁ ◆ దొణఁగెడువారు
గాలాలఁ దలక్రిందు ◆ గా బిట్టు బడియు

  1. పుంజసంజనన నభో.