చతుర్థాశ్వాసము
191
నలరంగ వీక్షించి ◆ యనియె మున్నెలమి
శివుఁడు నాకొసఁగిన ◆ సిద్ధులన్నియును
నవిరళ విద్యార ◆ హస్యముల్ దెలిపి
తక్కిన మణి మంత్ర ◆ తంత్రౌషధముల
జక్కన నెఱిఁగించి ◆ సకల సిద్ధులకు
పూజ్యుఁడై వెలయఁగఁ ◆ బుణ్యతయోగ
రాజ్యపట్టము సుస్థి ◆ రముగాఁగఁ గట్టఁ
గోరి పాలించు నా ◆ కూర్మిశిష్యుండు
గోరక్షనాథుఁడీ ◆ గుణవిభూషణుఁడు
భూనుత సామ్రాజ్య ◆ భోగానురక్తి
నూని తమ్మందఱ ◆ నుల్లంబులోన
మఱచి యేమున్న నీ ◆ మరులు వేషంబు
తెఱఁగొప్పఁబూని యే ◆ తెంచినాఁ డిటకు
మముఁదోడుకొని పోవ ◆ మాకింక నిందు
నిముషమాత్రంబును ◆ నిలువంగఁ జనదు
జననాయకుని బొంది ◆ చయ్యనఁ బాసి
చనియెద మీ రాజ్య ◆ సంగతిఁ ద్రోవఁ
గావించి గోరక్షుఁ ◆ గదిసి రమ్మనుచు
వేవేగ బాలకు ◆ వృత్తాంతమెల్ల
నా విమలాత్ముతో ◆ నలయక చెప్పి
...... ...... ....... ....... ....... ....... .......
గోరక్షుచేతికిఁ ◆ గుణపంబు నిచ్చి
నేరుపుమీఱంగ ◆ నీవు దెమ్మనిన
పదపడి నామహీ ◆ పాలుని మేన
నొదవెఁ దాపజ్వర • ముత్తమాంగమున
[1]నెరుపగ్గలింప న ◆ య్యెడ వైద్యులెల్ల
నరిమురిఁ జేరపు ◆ డౌషధక్రియల
నుపచరింపుచుఁ గర ◆ మొయ్యనఁ బట్టి
విపరీతమై నాడి ◆ విడిచి మీఱెడిని
భూవరుఁ బ్రతికింపఁ ◆ బోల దింకనఁగ
నావేళ మత్స్యేంద్రుఁ ◆ డా సమీరణుని
నదిమి మూలాధార ◆ మందుఁ దానొత్తి
- ↑ ఎరుపు-ఎరియు ధాతువునుండి యేర్పడినదై యుండునోపు.
