పుట:Navanadhacharitra.pdf/205

వికీసోర్స్ నుండి
ఈ పుట అచ్చుదిద్దబడ్డది

చతుర్థాశ్వాసము

167

మానసంబున భక్తి ◆ మల్లడి గొనఁగఁ
జేతులు మొగిడించి ◆ సిద్ధయోగీంద్ర
భూతేశనందన ◆ భువనైకపూజ్య
నేఁడు నూతపముల ◆ న్నియు ఫలియించె
నేఁడు మా జపము ల ◆ న్నియును సిద్ధించె
నేఁడు మా కోర్కెల ◆ న్నియు సంభవించె
నేఁడు శివుండు స ◆ న్నిధియయ్యె మాకుఁ
బరమపావన భవ ◆ త్పాద సంస్పర్శఁ
బొరసి మాయాశ్రమ ◆ భూము లన్నియును
నతి విచిత్రంబులై ◆ యమరెఁ గారుణ్య
మతి నింక నరుదెంచి ◆ మా మఖశాల
లలర వీక్షించి కృ ◆ తార్థులఁ జేయ
వలెనని యాయోగి ◆ నరునిఁ దోడ్కొనుచుఁ
జని యర్ఘ్యపాద్యాది ◆ సముచితవిధులు
దనరఁ గావించి ప్ర ◆ త్యాహవనమున,
దీపింపఁగా భక్తి ◆ ధేనుదుగ్ధములు
దీపులంటఁగ నిచ్చి ◆ తృప్తిఁ పొందింపఁ
దాను శిష్యులు ప్రమో ◆ దంబు నిండార
[1]నేను రాత్రంబులు ◆ నిచ్చ వసించి
కదలి మర్నాఁడు ఋ ◆ క్షకుని యాశ్రమముఁ
గదియఁబోవఁగఁ ద్రోపఁ ◆ గలగల మ్రోయు
కారాకుఁ బ్రోవులోఁ ◆ గానరాకుండ
బారుదూలమువలెఁ ◆ బడియున్న పాము
నడుము దిగ్గన మీన ◆ నాథుండు ద్రొక్క
వెడఁదగా విప్పి బల్ ◆ విడిఁబడగెత్తి
యడరించి జిహ్వల ◆ ల్లార్చి బిత్తరము
నొడియుచుఁ గన్నుల ◆ నొగి నిప్పులురుల
మిడికించి కోఱలు ◆ మెఱవంగ నోర
నుడుగక భగభగ ◆ నొదవు పూత్కార
జనిత విషాగ్ని న ◆ చ్చటి పొదల్ గమర
ఘనతర భీషణా ◆ కారతఁ బేర్చి
యంతలోననె యమ్మ ◆ హా భుజగంబు

  1. నయిదురాత్రిళ్లు నచటవసించి.