నవనాథచరిత్ర
చతుర్థాశ్వాసము
శ్రీవిలసిల్ల నా ◆ సిద్ధ యోగీంద్రుఁ
డావలఁ గొంత ద ◆ వ్వరుగుచునుండ
నెలుకలుఁ బిల్లులు ◆ నెలమిమైఁ గూడి
పులులును గోవులుఁ ◆ బొందొంది పొసఁగ
సింగంబులును గరి ◆ శ్రేణులెసంగ
ముంగిసలును సర్ప ◆ ములును బొందొంది
గడిఁదిరేచులు శశ ◆ కములును గదిసి
వడిమీఱు లేళ్లు శి ◆ వంగులుఁ గదిసి
బలుసాళువములును ◆ బక్షులుఁ దొరసి
చెలఁగ నచ్చెరువంది ◆ శిష్యు లందఱును
ముదమారఁ గరముల ◆ మొగిచి యిట్లనిరి
మదనారిసుతుఁడై న ◆ మత్స్యేంద్రునకును
గురునాథ పశుతతి ◆ [1]కూడి యన్యోన్య
విరసత్వ ముడిగి యీ ◆ విధమునఁజేరి
యున్న చందము వెరఁ ◆ గొందించె ననుచు
విన్నవించిన నవ్వి ◆ వినుతింప నొప్పు
మునుల పుణ్యాశ్రమం ◆ బులఁ గల్గు ప్రాణు
లనిశంబు వైరమ ◆ న్యోన్యంబునొంద
వనుచున్న వేళ సం ◆ యమికుమారకులు
ఘనసమిత్కుశఫల ◆ కందమూలముల
కాచోటి కేతెంచి ◆ యమ్మీన నాథుఁ
జూచి తదీయ తే ◆ జో విశేషమున
నరుదంది గోరక్ష ◆ నాథుల నడిగి
తిరముగా నయ్యోగి ◆ తెఱుఁగెల్లఁ దెలిసి
యొసరఁ గౌతుకమున ◆ నొండొరుఁ గడవఁ
జని ముఖ్యులగు ముని ◆ జనములతోడ
- ↑ కెల.
