తృతీయాశ్వాసము
151
పప్పుకూచికి నాల్గు ◆ భాస్కరుకైదు
అప్పలకాఱు జం ◆ ధ్యాల కేశవుకుఁ
బది కుప్పిగంతులౌ ◆ భళుకుఁబదాఱు
పదుమూఁడు గోవింద ◆ భట్టుపిన్న(ని)కి
డేరవిఠ్ఠులుకుఁ బం ◆ డ్రెండు దోరాల
నీరయకెనిమిది ◆ వీథిమాధవుకు
నిరువది నచ్చాయ ◆ కేడు పాయసము
నరసింహునకు పదు ◆ నాల్గును నున్న
చల్లమల్లని కేడు ◆ సరి యనంతనికిఁ
బుల్లె విస్సయకును ◆ బురుషోత్తమునకుఁ
దులసి మంచనికిని ◆ ధోతి శ్రీధరుకుఁ
బులగ మీశ్వరునకు ◆ బూరె లక్షనికిఁ
బట్టెవర్ధనము గో ◆ పాలుకు నెలమిఁ
దుట్టెరాఘవునకు ◆ దుల జనార్దనుకు
సత్రమయ్యలకుఁ బ ◆ చ్చళ్ల క్రిష్ణకిని
సూత్రమల్లనికి జో ◆ స్యుల ధర్మనికిని
గూడ ముప్పదిరెండు ◆ గోవిందగంతు
లీడేర నేసితి ◆ నిం కోప ననుచుఁ
దనతొంటి గంతు లం ◆ తట మానివాండ్రఁ
బనిచి యిట్లనియెనొ ◆ ప్పార మీరెల్ల
మల్ల డ గొనఁ జేరి ◆ మందసఁ దెఱచి
కల్ల [1]చేయరు గదా ◆ కాఁగాదు అకట
నా కుపకార మొ ◆ నర్చినయట్టి
మీకునుజేసెద ◆ మే మిటు వినుఁడు
అరుదుగా నిఖిల మౌ ◆ నవధానములును
బరగంగ మంత్రాల ◆ పన్నాలు మిమ్ముఁ
దిట్టక కొట్టక ◆ ధృతిఁ జదివింతు
నెట్టుగా నేర్పుదు ◆ నిజ మింతపట్టు
అన్నగా ర్లాన మా ◆ యక్కమ్మతోడు
ఇన్నియు నిట్లుండె ◆ నింకొక్క భయము
పుట్టుచున్నది మాకు ◆ భూపాలపుత్రిఁ
బట్టి యొజ్జలు గాసిఁ ◆ బఱిచి రటంచు
- ↑ శాయరుగదా.
