134
నవనాథచరిత్ర
డమరలోకంబున ◆ నమితసౌఖ్యములు
సమకొని యున్నారు ◆ సమ్మదం బెసఁగ
నా దివ్యదేహుల ◆ నలజడిపెట్ట
రా దటుగాన గా ◆ రవము నిండార
దిక్కెవ్వరును లేక ◆ దీనుఁడై యున్న
యిక్కుమారునిఁ బ్రోచు ◆ టెక్కుడు ధర్మ
మిత్తు సిద్ధినినేను ◆ నితనికి ననుచు
సత్తుగానాతని ◆ జన్మప్రకార
మంత నృపుఁడు చెవు ◆ లారంగఁ జెప్ప
వింతగా నేర్పడ ◆ విని సంతసిల్లి
మీననాథుఁడు దయ ◆ మీఱ గోరక్షు
తోన నిట్లనియె నా ◆ ర్తుని నీ కుమారు
నెమ్మితోఁ జేకొని ◆ నీ వుపదేశ
మిమ్ము నాపనుపున ◆ నింక నొం డనక
నావుడు మాఱాడ ◆ నణఁకి ఫాలంబు
మోవ భూస్థలిఁ జాఁగి ◆ మ్రొక్కి చౌరంగి
కతిభక్తి నెఱఁగి నే ◆ ర్పలరంగ విప్ర
సుతుని సిద్ధాసన ◆ స్థునిఁగాఁగఁజేసి
ధీయుతుఁడై విభూ ◆ తిస్నాన మొనరఁ
జేయించి మత్స్యేంద్రు, ◆ శివునిఁదలంచి
హస్తపంకేరుహ ◆ మనురక్తి నతని
మస్తకంబున నుంచి ◆ మఱి నాలుగైన
యోగంబు లలవడ ◆ నుపదేశ మిచ్చి
[1]లాగుగాఁ గృప సిద్ధు ◆ లన్నియు నొసఁగి
సిద్ధశరీరుఁగాఁ ◆ జేసి మత్స్యేంద్ర
సిద్దున కిరువురుఁ ◆ జేరి మ్రొక్కుటయు
నలరి నామం బిడ ◆ నాత్మలోఁ దలఁచి
చెలఁగి మేఘధ్వనిఁ ◆ జేసి యీ వడుగు
జనియించె నని వీని ◆ జననిచే మున్ను
వినినచందంబు భూ ◆ విభుఁ డెఱింగించె
నామాట విన్నాఁడ ◆ నగు మేఘనాద
నామ మొప్పఁగ నని ◆ నాథముఖ్యుండు
- ↑ లాగుగాసిద్ధు లన్నియు గృప నొసంగి.
