పుట:Navanadhacharitra.pdf/112

వికీసోర్స్ నుండి
ఈ పుట అచ్చుదిద్దబడ్డది

74

నవనాథచరిత్ర

గఱచుదుప్పులవేగఁ ◆ గఱచి బొండుగలు
విఱిచి నెత్తురుద్రావు ◆ వేఁగి వలములు
మెఱుఁగుఁగోఱలుదోఁప ◆ మెడనెత్తి నోళ్లు
దెఱచి పై నుఱికిన ◆ దిశదప్పఁదాఁట
మఱచి మల్లడిగొను ◆ మన్ను బోతులను
గఱచి గర్జించెడి ◆ కడిదిబెబ్బులులు
వాఁగువంతల నూరి ◆ వఱలునీరంబు
కేఁగునేఁదులఁ బట్ట ◆ నెడనెడ వెదకి
మాఁగుదుప్పులఁ బట్ట ◆ మార్కొనలేక
తూఁగుకాకులమెడ ◆ తునుమ నొండొండ
మూఁగునులూక స ◆ మూహభారమున
వీఁగుబంధురవట ◆ వృక్ష శాఖలను
దూఁగునుయ్యలఁబట్టి ◆ [1]తూఁగుటుయ్యాల
లూఁగునెలుంగుల ◆ నోర్చుమృగములు
జిఱుకులుగొనిపాఱి ◆ చీలు చిమ్మటలు
నఱిముఱి వాపోవు ◆ నట్టి కాఱడవి
నలుగక వడిఁ జొచ్చి ◆ యానట్టనడుమఁ
గులపర్వతముఁబోలు ◆ కొండ చేరువను
నిలిపి కొందఱు వోయి ◆ నృపుని ముమ్మాఱు
సెలవులు గొని వధ ◆ శిలమీఁద నునిచి
కడునొప్పు తొడవులు ◆ గ్రమమునఁదిగిచి
పొడవైన యతనిమూఁ ◆ ఫులు జానువులను
గడచుచేతులు నలి ◆ కము గల నడము
వెడఁద యురంబును ◆ వీనులఁ దాఁకు
నిడువాలుఁ గన్నులు ◆ నీలంపుఁగురులు
నుడురాజబింబంబు ◆ నొరపైనమోము
తప్పక వీక్షించి ◆ తల లూఁచి మతుల
ముప్పిరిగొనుశోక ◆ మున నశ్రు లొలుక
య తలారులు చేతు ◆ లాడక వికల
చేతస్కులై కొంత ◆ సే పూరకున్న
వారలం గనుఁగొని ◆ వసుధేశసూనుఁ
డీరీతి నెడసేయ ◆ నేల భూవిభుఁడు

  1. తూరినుయ్యలల లూగునెలుగుగల లొప్పు మ్రిగములు.