పుట:Narasabhupaleeyamu.pdf/46

46

కావ్యాలంకారసంగ్రహము

ఉ.⁠

చల్లదనంబె చంద్రునకుఁ జక్కదనంబె ప్రసూనధన్వికిన్ సల్లలితోరుసౌరభ మె చైత్రున కొక్కని కొక్క మేలిమే తెల్లము గాక నాపతి యుదీర్ణగుణాఢ్యుఁడు నారసింహభూ వల్లభుఁ డట్లు సర్వగుణవైభవ మెవ్వరికైనఁ గల్గుఁనే.

⁠ 10

హాసము —

క.⁠

చేకొని [1]యహ్రరము లగు, నాకారవికారచేష్ట లాలోకింపన్, గైకొను మనోవికాస, స్వీకారము హాస మయ్యె విను మె ట్లన్నన్.

⁠ 11

చ.⁠

అదె యిదె వచ్చె వచ్చె నరసాధిపుదాడి యటంచుఁ బాళెము ల్బెదరి బరీదుఁ డేఁగునెడఁ బెంపఱి ఖానులు వెన్కముందుగాఁ గదిసి హయాళ నెక్కి హయకంధరము ల్పొడగాన కప్పుడే చదిపిరి వాజిమస్తముల శత్రు లటంతు శ్రమింతు రెంతయున్.

⁠ 12

శోకము —

క.⁠

హితజనవిర[2]హవ్యథచే, నతిశయ మై జనులమానసాంభోజమునన్ బ్రతిదినముఁ బొడవు దుఃఖం, బతిభూమి వహింప శోక మగు నె ట్లన్నన్.

⁠ 13

చ.⁠

పతుల నృసింహశౌర్యశిఖిపాలుగఁ జేసినయట్టిపాపపు, నృతధృతి కంతటం జలము జాఱదు మమ్మును దావపావక ప్రగతులపాలు చేసె నని పల్మఱు రోదన మందువిద్విష త్సతులకు బాష్పపూరములె చాలు వనానలమున్ హరింపఁగన్.

⁠ 14

ఉత్సాహము —

క.⁠

అత్యున్నతలోకోత్తర, కృత్యంలులు నేను వేఁడి కృతకృత్యు లిలన్ నిత్యము దలఁచు ప్రయత్నం, బత్యంతోత్సాహ మయ్యె నది యె ట్లన్నన్.

⁠ 15

మ.⁠

అసిఁ జెండాడి విపక్షపృక్షముల శౌర్యాగ్నిచ్ఛటం బేల్చి శ స్త్రసరత్సీరములన్ రణోర్వితలమున్ సంక్షుణ్ణముం జేసి వై ర్యసృగార్ద్రం బొనరించి ప్రోది గొన కుద్యత్కీర్తి సస్యౌఘము ల్వెస సిద్ధించునె యంచుఁ బల్కు నరసోర్వీనాథుయోధావళుల్.

⁠ 16

భయము —

క.⁠

క్రూరా[3]కారము చూచిన, నారయ[4] నే జనునిహృదయమందు ననర్థాం కూరాశంకన మగు నది, ధారుణిలో భయ మనంగఁ దగు నె ట్లన్నన్.

⁠ 17

చ.⁠

అనఘ నృసింహ నీయరి వనావళి కేఁగి గుహాగ్రసుప్తుఁ డై యని మరలం గలం గని భయంపడి పాఱుచు నాజి కాదు కా

⁠

1. యతివికృతము లగు, నాకారాలాపచేష్టితాదులు చూడన్
2. హాదులచే
3. రాదికమున
4. ఁగా