పుట:Narasabhupaleeyamu.pdf/24

వికీసోర్స్ నుండి
ఈ పుట అచ్చుదిద్దబడ్డది

24

కావ్యాలంకారసంగ్రహము


త్సుకత న్శ్రీనరసింహుఁ డుర్వి నరసక్షోణీశుఁ డై పుట్టెఁ గా
కొకభూపాలున కిట్టియార్తభరణోద్యోగంబు వాటిల్లునే.

123

గుణాఢ్యత్వము —

చ.

అరయఁ బయోధపాత్రమును నంజనశైలము కజ్జలంబుఁ ద
త్సురతరుశాఖ లేఖిని వసుంధర పత్త్రముఁ జేసి వేడ్కతోఁ
గెరలి విరించి గేహిని లిఖించిన బారము వొంద దౌర మా
నరసనృపాలమౌళి సుజనస్తుతసద్గుణసంప్రదాయముల్.

124

భూభరణము —

చ.

విపులఫణాసహస్రమున వీఁక ధరింపఁగ నేని మేదిని
న్నిపుణత బాహుపీఠమున నిల్పె నృసింహుఁ డటంచుఁ బన్నగా
ధిపతి నిరంతరాద్భుతమతిం దల లూఁచ జరావిపాండురుం
డెపుడుఁ బురాణభోగి యని యెన్నుదు రాభుజగేంద్రు నందఱున్.

125

కావ్యగీతప్రియత్వము —

మ.

నరసింహుం డతిధీరవీరరససన్నాహంబు వాటించియుం
గరుణాకోమలుఁ డై రమావిమలశృంగారార్ద్రుఁ డై పొల్చుచా
తురి సాహిత్యజమర్మకర్మకఠినోద్యోగాదృతుం డయ్యు నీ
నరసింహేంద్రుఁ డనూనగానరససంధానప్రియుం డెంతయున్.

126


మ.

అమరక్ష్మాధరధీర ధీరచితకార్యారంభ రంభాసమ
ప్రమదాభవ్యమనోనురాగఘటనాపాంచాల పాంచాలగౌ
శముఖోర్వీనుతశౌర్య శౌర్యననలీలాలోల లోలాభవ
ద్రమణీయాగమధర్మ ధర్మతనయ ప్రఖ్యాతసత్యవ్రతా.

127


క.

కుటిలారిభయదధాటీ, పటుపటహఢమన్నినాదపరిపాటితది
క్తటపటలచటులమేధా, పటిమపరాభూతభూతపతిమణిహారా.

128


మాలిని.

అలఘునయవిహారా హారనీహారతారా
హలధరరుచిధారా హారకీర్తిప్రచారా
జలధివరగభీరా జైత్రకౌక్షేయధారా
లలితగుణవిచారా లక్కమాంబాకుమారా.

129


గద్యము.

ఇది శ్రీ హనుమత్ప్రసాదలబ్ధకవితాసారసారస్వతాలంకారనిరంకుశప్రతిభా
బంధుర ప్రబంధపఠనరచనాధురంధర ప్రబంధాంక వేంకటరాయభూషణ
సుపుత్త్ర తిమ్మరాజపౌత్త్ర సకలభాషావిశేషనిరుపమావధానశారదామూర్తి
మూర్తిప్రణీతం బైనకావ్యాలంకారసంగ్రహం బనుమహాప్రబంధంబునందు
నుపోద్ఘాతప్రకరణంబును నాయకగుణవర్ణనంబును నాయకస్వరూపకథ
నంబు నన్నది ప్రథమాశ్వాసము.