పుట:Narasabhupaleeyamu.pdf/20

వికీసోర్స్ నుండి
ఈ పుట అచ్చుదిద్దబడ్డది

20

కావ్యాలంకారసంగ్రహము


సరి వచ్చు భూకాంత సకల ప్రజాభార, పూర్ణాసహత్వంబుఁ బూనకున్న
రూపింపవచ్చు నరుంధతి నేప్రొద్దుఁ, దనయల్పభావంబు దాల్పకున్న


తే.

నిమ్మహాసాధ్వి కని జను లెల్లఁ బొగడ, నలరు నోబక్షితీశు నర్ధాంగలక్ష్మి
బాంధవాసనధుర్యవైకదంబ, లలిత సద్గుణనికురుంబ లక్కమాంబ.

90


తే.

పొలోమికి నింద్రునకు మ, హాలలితాకృతి జయంతుఁ డాత్మజుఁ డైన
ట్లాలక్కమాంబ కోబనృ, పాలునకు నృసింహధరణిపతి జనియించెన్.

91


సీ.

కాశ్యపి తా నౌటఁ గశ్యపోద్భవుఁ డైన, కాకోదరస్వామిఁ గలయు టెట్టు
ఛాత్రి యౌ తనపయోధారచేఁ బెరగినఁ, గమఠకులాధీశుఁ గవయు టెట్టు
తను ధేను వగువేళఁ దర్ణకం బగు ధరా, ధరశిరోమణిఁ గూడఁ దలఁచు టెట్టు
తనక యావిర్భవించినపంచనామహా, క్రోడంబుతోఁ గూడి యాడు టెట్టు


తే.

తగవు గా దంచు ఫణికూర్మధరణిధరన, రాదిభూదారముల మాని యవనికాంత
తనభుజాదండమున నుండఁ దనరుచుండు, సరసగుణహారి యోబయనరసశౌరి.

92


క.

అతఁ డిల రామయతిమ్మ, క్షితిపతిసత్పుత్త్రుఁ డగుచుఁ జెలు వొందుగుణా
న్వితుఁ డగుతిరుమలధాత్రీ, పతితనయం దిరుమలాంబఁ బరిణయ మయ్యెన్.

93


సీ.

పొలు పగు నేసాధ్విభుజవల్లి రుక్మిణీ, సత్య యేగరితవాచావిశుద్ధి
జనకనందిని యేవిశాలాక్షిమతిరేఖ, భద్ర యేమగువ శోభనవినీతి
యససూయ యేకుటుంబిని దృష్టి సర్వమం, గళ యేశుభాంగనలలితరీతి
ధృతి సుదక్షిణ యేపతివ్రత కరుణసం, పత్కాంత యేయింతి భవ్యమూర్తి


తే.

యట్టిగుణధన్యయై తనయాత్మయెల్ల, నఖిలపతిదేవతాసంగ్రహం బనంగ
నలరు నరవీరవల్లి తిమ్మావనీంద్ర, శరధనుందారవల్లి యై తిరుమలాంబ.

94


తే.

ఆమగువయందు నరసంహభూమివిభుఁడు, రసికసారంగరాజు శ్రీరంగరాజుఁ
గనియె ననఘుని దేవకీకాంతయందు, ఘనుఁడు వసుదేవుఁ డచ్యుతుఁ గన్నపగిది.

95


క.

అతఁ డుభయవంశపావనుఁ, డితఁ డన బాలార్కవిజయహేనాకవిభా
నితతియు నమంమంద, స్మితచంద్రాతపము దాల్చు శ్రీరంజితుఁ డై.

96


సీ.

ఘనతఁ బెసాఁపనేర్చిన నాఁటనుండియు, శత్రులమీఁదఁ జేఁ జాప నేర్చె
ననయంబు నడుగువెట్టిననాఁటినుండియు, నరిశిరంబులమీఁద నడుగు వెట్టె
నవనీతము గ్రసించునాఁటనుండియు వైరి, కలయశోనవనీతముల గ్రసించె
ననపాంసుగతిఁ జెందునాఁటనుండియు ఖలా, భీలధాటీపాంసుకేళిఁ జెందె


తే.

నిలువ నేర్చిననాటనుండియు విరోధి, నృపతిసేనాపతుల గెల్చి నిలువ నేర్చె
నరసవిభునసిరంగభూనాథవిభుఁడు, ప్రబలెఁ బ్రబలుచునున్నాఁడు ప్రబలగలఁడు

97