నాయకురాలు
97
నల. రా : సరే, నీయిష్టం వచ్చినట్టుకానియ్యి. నాగమ్మగారూ, నాయకుడికి తాంబూలమియ్యండి. నాయకుడా, సంగతులెప్పటివప్పుడు కామకా తెలియపరుస్తూవుండు.
చెంచ : రోజూ అంచె నడిపిస్తా. దండాలు సామీ !
నల. రా: వెళ్లు.
[ నిష్క్రమణం - తెరపడుతుంది ]
3-వ రంగము
మండాదిలో మలిదేవరాజుగారి యిల్లు
[ మ. దే. రా. బ్రహ్మ. సభికులు ప్రవేశము ]
బ్రహ్మ : మహాప్రభూ, సభాసదులారా, మనము పల్నాటిని విడిచి పరదేశాల పాలయినప్పటినుంచీ మన ఆవుల మందలను కంటికి రెప్పగా కాచి మస శిబిరానికంతకూ జీవనం జరుపుతున్న లంకన్న వీరస్వర్గం బొందాడు.
మ. దే. రా : ఏమి ఆశ్చర్యం ! ఎవరు చంపారు ?
బ్రహ్మ : ఆ వీరుని మరణచరిత్రను కన్నమదాసువలన సావకాశంగా వినగోరుతున్నాను.
మ. దే. రా : కన్నమబాసూ, తూచాలుపోకుండా వీరచరిత్రను వినిపించగోరుతున్నాను.
క. దా : మహాప్రభూ ! మనము మండాది ప్రవేశించినప్పటి నుంచి మనకు పడమరా, దక్షిణానా పెచ్చు బెరిగివున్న అడవులలో సంచరించి, లేబచ్చికలు మేసి, చెలమలలో నీళ్లుదాగి మనమందలు పెంపొందుతూ వచ్చినవి.
