నాయకురాలు
83
నల. రా : నేనుమాత్రం వెనుకకు తగ్గుతానా ?
మ. దే. రా : [ బ్రహ్మనాయుడితో రహస్యంగా ] మా అన్నమాట మిగలా అన్నందుకు పండ్లబిగువున మాట్లాడుతున్నాడు గాని సందిస్తే వెనుకకు లాగుతాడు.
బ్రహ్మ : వదలండి కోళ్లను.
నాయ : కోళ్లు మన పందెంయొక్క విలువ తెలిసి పోట్లాడుతున్నట్లు కనుబడుతున్నది.
బా. చం : తొలింబ్రంలోనే బెరస జుట్టు పట్టుకొని అయిదు తన్నులు తన్నింది.
బ్రహ్మ : అరే! అయిదూ తప్పించుకున్న దే ! వజ్రదేహంలా గున్నది.
నాయ : అదుగో ! ఫయిసల్ ; బెరసకు మెడ సగం దెగింది. కోడిమెడ బడ్డది.
బ్రహ్మ : బెరస పడిపోయింది.
బా. చం : తెప్పిరిల్లి లేస్తుందేమో ఆగండి.
నాయ : పెద్దనిద్రే; నరసింగరాజుగారూ, నేవలిని ఆపండి.
నల. రా : మాచర్ల మాది.
[ కోలాహలం ]
నాయ : ఎప్పుడూ మీదే. నడుమ రజ్జుసర్పభ్రాంతయింది.
నల. రా : బ్రహ్మనాయుడుగారూ, మీ రిక మాచర్ల పోవడమెందుకు ? యిక్కడనుంచే ప్రయాణం గట్టండి.
మ. దే. రా: అరే. చివరకు యిట్లయిందేం ?
