నాయకురాలు
27
(ఆవులు చెప్పినట్టు మఱివొక బాలిక )
పాలాకుపచ్చలా - పరువంపుపడుచా
అద్దాలరవికలా - ముద్దులాపడుచా
తంగేటి పూవుల - ధరియించుపడుచా
మాచెర్ల అడవులూ - మనవిగాకేమి ?
మలిదేవుడడ్డినా - మరలివచ్చేమా !
న : పల్నాటబుట్టిన పశువులకుకూడా పౌరుషమేగదా.
(కాపు బాలకుడు)
కోరకొమ్ములతోటి - కొమరొప్పుబసవా
పులిమచ్చవన్నెతో - పాలుపొందుబసవా
నీటిదావిణిబడ్డ - నీలంపుబసవా
చంద్రవంకానీళ్ల - చాయ బోకోయి
మాచర్లమడుగులు - మరచిపోవోయి.
కే: మాచర్ల తనకు దూరమయిందని బాలు డెంతవిచారపడుతున్నాడు ! ప్రజలభావాలు పరికించి పాలించగలవాడే ప్రభువు.
న: ఇక్కడి ఆచారాలు మా కేమితెలుస్తవి? మీబోటివాండ్లు తెలియజెప్పాలె.
(బసవడు చెప్పినట్టు మఱివొక బాలుడు )
చిరికోలబట్టిన - చిన్నిబాలూడా
చద్దిమూటలనొప్పు - ముద్దుబాలూడా
పిల్లనక్రోవూదు - పిన్నబాలూడా
మాచర్ల అడవులు - మనవిగాకేమి ?
బ్రహ్మన్న అడ్డితే - పారివచ్చేమా!