నాయకురాలు
107
బ్రహ్మ : రాయబారం విషయమయి మనలో అభిప్రాయ భేదాలు తీవ్రంగా వున్నవి. ఎటు జూచినా రాయబారమే ఉత్తమంగా నాకు కనబడుతున్నది.
మ. దే. రా : రాయబారిని ఏర్పాటుచేయండి.
క. దా : అలరాజుగారిని రాయబారిగా పంపితే బాలుడు చూపించిన చిక్కు లుండకపోవచ్చు ! ఆయన ఉభయులకూ అక్కరగల మనిషి
బా. చం : లోకానుభవంగలవారు, వారి తండ్రిగారిని పంపగూడదా?
బ్రహ్మ : అల్లుడు మొగమోటపెడితే నలగామరాజు తీసివెయ్య లేడు. తండ్రిగారికంటె కొడుకును బంపడమే మెరుగు.
కొమ్మ : నే వెళ్లుతాలెండి.
బ్రహ్మ : ఆయనకు అల్లుడిమీద మక్కు వెక్కువ. అలరాజు వెళ్లి తే అంతఃపురం మనపక్షమవుతుంది.
మ. దే. రా : ఇంతతర్క మెందుకు ? వెళ్లడానికి అలరాజు అంగీకరిస్తాడా?
కొమ్మ : అతని అంగీకారమేమిటి? అంతా వెళ్లమంటే వెళ్లుతాడు.
అ. రా : నా అభ్యంతరంలేదుగాని నరసింగరాజు కేటించి గట్టిపట్టు పట్టితే నామాట సాగదు.
బ్రహ్మ : చేతనయిన ప్రయత్నం చెయ్యండి. రేపు ఉదయం ప్రయాణం. మీకు ప్రత్యేకంగా ఎత్తిచెప్పవలసిన దేమున్నది ? మనది కుంటుంబ కలహం. ఉభయులకూ నష్టకరమయిన
