పుట:Manu Charitra.pdf/97

ప్రథమాశ్వాసము

కథాప్రారంభము

వ.⁠

అభ్యుదయపరంపరాభివృద్ధిగా నాయొనర్పన్ బూనిన స్వారో చిషమనుసంభవం బనుమహాప్రబంధంబునకుఁ గథాక్రమం బెట్టి దనిన జైమినిముని స్వాయంభువమనుకథాశ్రవణానంత రంబున మీఁద నెవ్వండు మను వయ్యె నెఱింగింపుమనవుడుఁ బక్షులు మార్కండేయుుడు క్రోష్టుకికిన్ జెప్పినప్రకారం బున ని ట్లని చెప్పన్ దొడంగె.

⁠ 48

టీ. అభ్యుదయపరంపరాభివృద్ధిగాన్ = శ్రేయఃపరంపర కభివృద్ధియగునట్లు, నాయొనర్పన్ బూనిన = నేను రచింపఁదొడఁగిన, మహాప్రబంధమునకున్ = సమస్తవర్ణనావృతమగు మహాకావ్యమునకు, కథాక్రమము = కథయొక్క వరుస, ఎట్టిదనినన్ = ఏవిధముగా నుండునన, జైమినిముని = జైమినియను ఋషీశ్వరుఁడు, స్వాయంభువ...రంబు - స్వాయంభువమను(వుయొక్క), కథా = కథయొక్క, శ్రవణానంకరంబునన్ = వినుట యైనపిదప, ఎవ్వండు మను = ఏమహామహుఁడు మను వయ్యెనో, ఎఱిఁగింపుము. అనవుడు = అని యడుగఁగా, పక్షులు = ధర్మపక్షులు, మార్కండేయమహాముని, చెప్పినప్రకారంబునన్, ఇట్లని, చెప్పందొడంగెన్ = చెప్పుటకు మొదలుపెట్టెను.

మ.⁠

వరణాద్వీపవతీతటాంచలమునన్ వప్రస్థలీచుంబితాం బరమై సౌధసుధాప్రభాధవళితప్రాలేయరుఙ్మండలీ హరిణంబై యరుణాస్పదం బనఁగ నార్యావర్తదేశంబునన్ బుర మొప్పున్ మహికంఠహారతరళస్ఫూర్తిన్ విడంబింపుచున్.

⁠ 49