తా. పోరులందుఁ గృష్ణరాయలచే నఱకఁబడిన యేన్గుల కుంభస్థలములనుండి వెల్వడు క్రొమ్ముత్తెము లాతనిఖడ్గధార యనుప్రవాహమున శత్రువులపుట్టి మున్గఁగా (బ్రయత్నము లంతరింపఁగా) నురువుపిండుతో వెడలునీటిబుగ్గలువోలెఁ గానిపించును. నీటిలో నొకవస్తువు మున్దినప్పుడు నురువును బుడగలును వెడలుట స్వాభావికము.
అలం. ఉత్ప్రేక్ష, రూపకము, అతిశయోక్తి వీని కంగాంగి భావసంకరము.
| సీ. | వేదండభయదశుండాదండనిర్వాంత | |
| తే. | జెనఁటిపగఱప్రతాపంబుచిచ్చు లార్చు | 42 |
టీ. మూరు...ధాటి - మూరురాయరగండ = గజపతి, అశ్వపతి, నరపతు లనుమువ్వురురాజులను బరిమార్చినవాఁ డను, అంక = బిరుదనామముగల, వీర = వీరుఁడగు, కృష్ణరాయభూభృత్ = కృష్ణరాయప్రభువుయొక్క, భయంకర = వెఱపుఁ గూర్చు, ప్రబల = ఉత్కట మయిన, ధాటి = దాడి, వేదండ...మధువుల్ - వేదండ = ఏన్గులయొక్క, భయద = భయము నిచ్చు, శుండాదండ = దండములవంటి తుండములనుండి, నిర్వాంత = వెలికిఁ జిమ్మఁబడిన, వమధువుల్ = తుంపులు, పైన్ = మీఁద, చిల్కువారి = చల్లునట్టినీరు. తత్కర్ణ...
