| క. | కట్టియఁ జేకొని డేగం | 24 |
టీ. కట్టియన్ = మ్రానుకోలను, చేకొని = పట్టుకొని, డేగన్ = (వేఁట కలవాటుపడిన పెంపుడు) డేగను, పట్టి = పట్టుకొని, ఉబుసుపోకన్ = కాలక్షేపమునకువలె, పొలము = ఆవనమును, మట్టినన్ = చొచ్చినను, చాలును = అంతియ చాలును. పక్షులవేఁట కేప్రయత్నములును జేయవలసిన యవసరము లేదు. పులుఁగులు = పిట్టలు, తొట్టిన క్రొవ్వులు గలయవి = పూర్ణమయిన క్రొవ్వు గలవి. చెట్టడిచినన్ = చెట్టు చెట్టును గట్టియతోఁ గొట్టినను, చేటెఁడు = చేట నిండును, ఏమి చెప్పన్.
తా. ఆయడవిలో నున్న పక్షులసంగతి చెప్ప నలవి గాదు. గట్టె దీసికొని డేగను విలాసముగాఁ గొని వనమునందు విహరించినఁ జాలును. చెట్టు కదలించిన చేటెడుపక్షులు లభింపఁగలవు.
అలం. అతిశయోక్తి.
| తే. | ఉడుము గరిమిడికొక్కు దందడియు వెల్ల | 25 |
టీ. అవనినాథ = భూపతీ! ఉడుము = ఈపేరు గల గోధిక లనుజంతువులయొక్కయు, గరిమిడికొక్కు = పందికొక్కులయొక్కయును, దందడియున్ = అతిశయమును, వెల్లయెలుక = తెల్లమూషకములు, కల్లెల్క = కన్నములలో నుండు చిన్నయెలుకలయొక్కయు, తఱుచును = మిక్కుటమును, ఏమి చెప్పన్ = ఏ మని మనవి చేయుదును, అడవిన్ = కాననమునందు, ఎల్లెడన్ = సమస్తప్రదేశములందు, చూచినన్ = కను
