తా. అగ్నికార్యమును దేవతార్చనమును మిగిలి యున్నవి. భోజనకాల మతిక్రమించెను. తల్లిదండ్రులు మిగుల ముదుసళ్లు. ఆకలితో నసురుసు రనుచు నాకై యెదురుచూచుచుందురు. నే నాహితాగ్నిని నేఁ డిల్లు చేరకుండినచో సర్వధర్మములుఁ జెడును.
| ఉ. | నావుడు విన్నఁబాటు వదనంబున నించుక దోఁపఁ బల్కె నో | 54 |
టీ. నావుడున్ = అనఁగా, వదనంబునన్ = ముఖమున, ఇంచుక = కొంచెము, విన్నఁబాటు = విన్నపోవుట, తోఁపన్ = ఎఱుకపడఁగా, (వరూథిని) పల్కెన్, ఓభావజరూప = మన్మథునిరూపువంటిచూపుగలవాఁడా! ఇట్టి యెలప్రాయము = ఇటువంటి చిఱుతవయసు, వైదికకర్మనిష్ఠలన్ = వేదప్రతిపాదితములగు కర్మముల ననుష్ఠించుటలందు, పోవఁగన్ = గడచిపోవుచున్నయెడల, ఇంకన్ = ఇంకన్, భోగములన్ = సుఖములను, పొందుట = అనుభవించుట, ఎన్నఁడు = ఎప్పుడు? వయస్సు తీఱినపిదప నీసుఖములం బడయనగునా? యజ్ఞకోటులన్ = యజ్ఞసమూహములచే, పావను లౌటకున్ = పవిత్రు లగుటకు, ఫలము = ప్రయోజనము, మాకవుఁగిళ్ల = మాయాలింగనములయందు, సుఖించుటేకదా = సౌఖ్యముల నొందుటయేగదా! (పా. సుఖింపనేగదా = సుఖించుటకేకదా.)
నిష్ణాపరులు యజ్ఞములు గావించుచున్నారు. యజ్ఞఫలము అప్సరఃకాంతాసమాగమము. అప్రయత్నముగా నెలప్రాయమున వేల్పుచెలువ సిద్ధించుచుండ నిరాకరించుట ప్రమాద మనుట.
తా. అనఁగా వరూథిని కొంచెము ముఖము చిన్నపుచ్చుకొని యిట్లనియెను. ఓమదనసుందరమూర్తీ! ఇట్టి లేఁబ్రాయము వైదికకర్మానుష్ఠానము
