నిలయంబులకున్ = మీగుడిసెకొంపలకు, రత్నకందరములు = మణిమయము లగుగుహలు, నందనచందనోత్కరంబు = ఉద్యానములందలి మంచిగంధపుమ్రాఁకులు, ఇక్కడి, గాంగసైకతములు = గంగానదిలోని యిసుకదిన్నెలును, లవలీనికుంజముల్ = వెన్నెలతీగల పొదరిండ్లును, సరిరాకపోయెనే = సమానము కాకపోయెనా?
రత్నకందరము లుపభోగయోగ్యములు. లవలీనికుంజములుగూడ నట్టివి. శైలవిహారసమయమున గుహలందును వనవిహారమున బొదరిండ్లను గ్రీడింపవచ్చు ననుట. నందనోద్యానభూమియు గాంగసైకతము ఉపభోగోచితము లనుటకు —
సీ. “నందనోద్యానమందారకచ్ఛాయల విశ్రమింపఁగ నీకు వేడ్క గాదె,
మందాకినీపాండుమహితసైకతములఁ గ్రీడ సల్పఁగ నీకుఁ బ్రియముగాదె.”
శృం. నై. ఆ. 3.
లవలీనికుంజములందుఁ బ్రసవసుగంధము వెల్లివిరియుచుంటచేఁ గామోద్దీపకము. లవలీనికుంజములు సుగంధబంధురము లనుటకు —
"... ... ... ... ... ... ......................ఒక్కచో వినూ
తనలవలీలతావళుల తావులఁ దావలమైన తావులన్."
వసు. ద్వి.28.
తా. కాలాఁగక యూరూ రనుచుఁ బలవరించెద వేమి యూరయ్యా అది ? ఇక్కడి యీమణికందరములు, గంధపుమ్రాఁకుదోఁటలు, ఇక్కడి గంగానదీసైకతములు, ఇక్కడి వెన్నెలతీవపొదరిండ్లు మీగుడిసెకొంపలకు సాటి రాలేదా?
| ఉ. | నిక్కము దాఁప నేల ధరణీసుతనందన యింక నీపయిన్ | 51 |
