వీణాగానముచేతను, కంఠగానముచేతను, ఱాళ్లను సైతము కరఁగించు నట్టిరక్తి గలసంగీతము మానేర్చినవిద్య. కామశాస్త్రసిద్ధాంతములను బఠించుట మాకుఁ జిన్ననాఁటనుండియు నలవా టయినది. అశ్వమేధరాజసూయాదియజ్ఞములు చేయువారి కేము దక్కుదుము. మేరుపర్వతమునఁ గల్పవృక్షములనీడలను బచ్చఱాళ్లచరియలపై మేము కూటము దీర్తుము. బ్రహ్మవిష్ణుమహేశ్వరులసభలు మాకు నాట్యశాలలు (మేము అచ్చరల మనుట.)
| క. | పేరు వరూథిని విప్రకు | 44 |
టీ. విప్రకుమార = ఓ బ్రాహ్మణయువకుఁడా ! పేరు వరూథిని = నానామధేయము వరూథిని యని, ఉదారగుణాఢ్యలు = గొప్పగుణములుగల ఘృతాచీ, తిలోత్తమా, హరిణీ, హేమా, రంభా, శశిరేఖలు, మదీయలు = నా కిష్టురాండ్రయిన, ప్రాణసఖుల్ = ప్రాణపదములగు చెలిమికత్తెలు.
విప్రకుమార యనుసంబోధనము సాభిప్రాయము. ఉదారాతిశయలగు తిలోత్తమాదులు నాప్రాణసఖులుగాన నాయోగ్యత నీవ గమనింపఁగలవు. నేను వరూథినిని. నన్ను నీ వెఱుంగవేని సుప్రసిద్ధలగు తిలోత్తమాదులనైన నెఱింగియుందువుగాన వారినిబట్టి నాయోగ్యతాదికములు గ్రహింపు మని భావము.
| మ. | బహురత్నద్యుతి మేదురోదరదరీభాగంబులన్ బొల్చు ని | 45 |
టీ. బహు...భాగంబులన్ - బహురత్న = అనేకరత్నములయొక్క, ద్యుతి = కాంతితో, మేదుర = సాంద్రమయిన, ఉదర = మధ్యదేశములు గల,
