పుట:Manimalikalu.pdf/84

వికీసోర్స్ నుండి
ఈ పుట ఆమోదించబడ్డది

84

26)

మాటైనా చెప్పకుండా వెళ్ళిపోవాలని నువ్వూ
మరలా వస్తాననే మాటతీసుకోవాలని నేనూ

27)

చీకటే అంతా
కనుపాపలేని కంటిలోనూ ..నీవులేని ఈగుండెలోనూ

28)

వెక్కిరిస్తోంది జీవితం
అన్నీవున్నా ..ఇవ్వకుండా దాచినవెన్నో ఉన్నాయంటూ

29)

మరలిరావు మరి కాలేజీ రోజులు
వడలిపోవు మది దోచిన రోజాలు

30)

గుండెగూటికి పండగొచ్చింది నీచెలిమితో
కనులలోగిలికి వెలుగొచ్చింది నీరాకతో

31)

మల్లెలు జాజులు పోటీపడుతున్నాయి
నీ నవ్వుల్లోని స్వచ్చతతో

32)

నువ్వు అలిగావనేమో
గాలి కూడ వీచటం మానేసింది

33)

నిద్రాణమైన హృదిని తట్టిలేపావు
ఆలస్యంగా వచ్చినా ఆరోప్రాణమైనావు

34)

చుక్కల తోటలో జాబిల్లిపువ్వు
నింగిచెట్టుకి రోజూ పూస్తాడు

35)

ఆకులల్లె రాలుతున్నాయి
నీపై నేను పెట్టుకున్న ఆశలు<poem>

మణి మాలికలు జ మాధవీ ప్రసాద్‌ .కె