ఈ పుట ఆమోదించబడ్డది
36. ఐనవారే అందరూ
అవసరానికే అందరు
37. నిత్యయవ్వనమే ఇక
నీ మమతల మధువును త్రాగేనుగా
38. జీవనదే...నాహృదయం
నీకై ప్రేమ సుగంధాలను ప్రవహింపచేస్తూ
39. ఎంత చదివినా కొంత మిగులే
నీ సొగసుపుస్తక మధుర సమాచారం
40. మార్గమేముంది మౌనాన్ని ఆశ్రయించక
వ్యర్ధమేతప్ప అర్ధమేకాని అనుబంధాలలో
41. ఆలపించకున్నా అలరిస్తున్నాయి
మదిమాటున మౌనరాగాలు
42. నిశ్శబ్ధ విస్ఫోటకం
నీమౌనం... నామదిలో
43. మౌనంగా నిష్క్రమిస్తున్నా
నీ మాటల కాఠిన్యాన్ని మోయలేక
44. మూలం మౌనమే
జ్ఞానానికైనా..ధ్యానానికైనా
45. మాటలలోనే మౌనం
నా మనసున సదా కదనం