ఈ పుట ఆమోదించబడ్డది
16. మధురక్షణాలను నిలవేసే మంత్రమొకటి చెపుతా
చిట్టిగుండెను వలపు ముడుపుగా చెల్లిస్తే
17. దొర్లిపోతున్నాయి దొంతరలుగా
క్షణాలన్నీ వీక్షణాలలోనే
18. జీవితమొక బహుమతే
ఈక్షణం యొక్క అనివార్యతను గుర్తిస్తే
19. బంగారంటూ ఆనాడు
భారమంటూ ఈనాడు
20. సూరీడుకే వందనాలు అన్నీ
చందమామతో మాత్రం తందానాలే
21. కాలానికెంత పక్షపాతమో
నువ్వుంటే ఉరుకులూ పరుగులూ లేకుంటే కదలక మొరాయింపులు
22. వలపువడ్డు చెల్లిస్తా
అసలుమనసు అప్పిస్తే
23. ముద్దుల ముడుపులు ముట్టాకనే
కౌగిళ్ళ ఖైదు ఖరారు
24. కోరి వలచిననాడు..అనుకోలేదు
కొరివితో తల గోక్కుంటానని
25. నీపిలుపే చాలు
పరవశించి పరువాలు పదిలంగా అప్పచెప్పటానికి