86)గాయపడిన పక్షి రామాయణాన్ని రాయిస్తే..
గాయపడిన నాగుండె ప్రేమాయణాన్ని రాయిస్తున్నది..
87) నీఆలోచనలకి దొంగతనం నేర్పావేమో..!
నా కంటినిద్రనంతా దోచుకెళ్తున్నాయి
88) అందమైన నీకళ్ళల్లో నన్ను నింపుకోరాదూ
నిరంతరం నీఆనందాభాష్పాలై కరుగుతూ ఉండనూ
89) కనపడని జ్వాలలేగా...అంతరంగ బడబాగ్నివి
వినపడని రోదనలేగా...మూగబోయిన మనసువి
90) నాతనువు ఎటుతిరిగితేనేం..!
మనసు మాత్రం నిరంతరం నీచుట్టేగా..
91) నువ్వునాపై కోపగించుకున్నా సంతోషమే
అలకల మబ్బులతో ముసుగేసుకున్న శశివేగా
92) కణకణంలో నువ్వునిండాకే తెలిసింది
విషమేకాదు అమృతమూ నిలువెల్లా పాకుతుందని
93) చివరికి చితిమంటల్లో కాలడమెలాగూ తప్పదుగా
ఇప్పుడెందుకు అసూయమంటల్లో కాలుతూనే ఉండడం
94) కనురెప్పలుండడం శాపమయ్యింది
తదేకంగా నిన్ను చూస్తూంటే మధ్యమధ్య ఆటంకం కలిగిస్తూ
95) పెట్టిన పరీక్షలో కాలం ఓడిపోయింది
చెరగని నీ జ్ఞాపకాన్ని కడగలేక
పుట:Manimalikalu.pdf/56
ఈ పుట ఆమోదించబడ్డది
