ఈ పుట ఆమోదించబడ్డది
66) పరిమళం పరిచయమయ్యింది
నీజ్ఞాపకాల గుబాళింపుతో
67) ప్రతిరాత్రీ అందమైనదే
నిదురలేమితో నీ తలపుల్లో కరిగినదల్లా
68) వారిది పొలాల్లో పనిచేసిన అనుభవమేమో
మానవత్వాన్ని కొడవళ్ళతో పరపరా కోస్తున్నారు
69) కలుపు బాగా పెరిగింది
మనుషుల్లోనూ..వారి మనసుల్లోనూ
70) తుడిపేయడానికవి వాకిట ముగ్గులు కావు
చెరిపేయలేని నామది గాయపు మచ్చలు
71) కనురెప్పల్ని మోయడం కష్టమయ్యింది
కన్నీటితో తడిచితడిచి భారమయ్యాయిగా
72) మరుజన్మలో తోడవుతానంటే
క్షణం చాలదూ...ఈజన్మ వదిలించుకోడానికి
73) నాకళ్ళ పుస్తకంలో
కన్నీటిసిరాతో కనురెప్పలు రాసిన కథలెన్నో
74) నామనసు అనంతశూన్యాన్ని నీముందు ఉంచింది
చకచకా నింపడం నీతలపులకే సాధ్యమని
75) కన్నీళ్ళకి కరు వొచ్చింది
మనసుల మధ్య ఆర్ధ్రత కరువయ్యిందిగా
