ఈ పుట ఆమోదించబడ్డది
26) విలోమానుపాతమే నాబ్రతుకు
నేనెంత దగ్గరవ్వాలనుకుంటే.. నువ్వంత దూరంజరుగుతూ..
27) నీ తలపులకు ఫెవికాల్ అంటించావేమో
గడిపే ప్రతిక్షణానికీ వదలకుండా అతుక్కున్నాయి
28) నీకంటే మృత్యువే ఎంతోనయం
వేలసార్లు వేధించి వధించదు
29) చకోరాలన్నీ నాచుట్టే తిరుగుతున్నాయి
వాటికెలా తెలిసిందో జాబిలివై నాలో నువ్వు దాగున్నావని
30) తరువులకూ నీతలపులు తాకాయేమో
తమకంతో తలలూపుతూ తూగుతున్నాయి
31) కన్నుగీటి కవ్వించుట నీవంతు
కాలమెరుగక కుప్పిగంతులేయుట నావంతు
32) నేను ఆడితే అది ఆట
నువ్వు నన్నాడిస్తే అది జీవితం
33) రక్తహీనత తప్పదేమో
గాయపడిన గుండె స్రవిస్తున్నంత కాలం
34) జ్ఞాపకాల గునపాన్ని గుండెల్లో గుచ్చకు
గావుకేక వేయలేని 'గాయ'కుడినే అవుతా
35) నామనసుకి సిగ్గులేదు
ఎన్నిదెబ్బలు తిన్నా మార్పు రాదుగా