పుట:Manimalikalu.pdf/46

వికీసోర్స్ నుండి
ఈ పుట ఆమోదించబడ్డది

46.బాల్యం బందీ అవుతోంది
    కేజీలకొద్దీ బరువున్న పుస్తకాలసంచీలో

47.నీమనస్సుకి రెక్కలున్నాయి కాబోలు
    అస్తమానూ నాముంగిట్లోనే వాలుతుంది

48.కళ్ళకెందుకయ్యా కన్నీళ్ళనిచ్చావు.
    దుఃఖమైనా ఆనందమైనా మేమే వస్తామంటున్నాయే

49.గతం చేసిన గాయానికి
    భవిత లేని శిలనయ్యాను

50.నీ జ్ఞాపకాల గాయాలే
    నా కవితలకి సిరాచుక్కలయ్యాయి

51.గాయాలెన్నైనా చేయగలవు
    పారేది నా రక్తకన్నీరే కదా

52.నా మనసు భ్రమరమే!
    నిరంతరం నీ ప్రేమ పుప్పొడి కోసం పరుగెడుతుంది

53.కాలానికి కూడ దుఃఖమే
    నీవులేని నన్ను చూసి

54.నీ జ్ఞాపకాల వీధుల్లో విహరిస్తున్నా!
    మనసుని పునీతం చేసు కుంటూ

55.నీవు దూరమయ్యావన్న భ్రాంతిలోనే వున్నా
    కనుల వెంబడి కన్నీరు వస్తున్నాకూడా

భారతీరాయన్న కాట్రగడ్డ