పుట:Manimalikalu.pdf/38

వికీసోర్స్ నుండి
ఈ పుట ఆమోదించబడ్డది

86.చెక్కిళ్ళకెందుకో ఇంత నిస్పృహ
     ఎన్నినీళ్ళు కారినా నిలవనీక

87. నాతో ఉన్న నిన్నల్నడుగు
     నేడు నీకున్న మధురాలేమిటో

88. శిలనే
     నువ్వు ఉలివై తాకేవరకు

89. శబ్దమే హాయి..
     నిశ్శబ్దం నిన్ను మించిన నియంత

90. అక్షరాలకు చిలిపితనం అబ్బేసింది
     సాహిత్యమంతా చిరునవ్వుల జలపాతమౌతూ

91. నీ వలపు గులాబీల నది
     నామమతను గుచ్చుతున్న ముళ్ళుసైతం మోస్తూ

92. నిద్ర చాలని నిశిలో
     ఈదుకొస్తూ ఎదురుగా ... నీజ్ఞాపకం

93. ప్రేమగా పదిజన్మలు మోస్తా
     ఈజన్మలో తలకొరివి పెట్టవూ

94. ఉలికులికి పడు తున్నావ్‌
     బలమైన జ్ఞాపకం సూటిగా తాకిందా

95. పూలు సింగారించుకొంటునట్లున్నాయి
     పరిమళాన్నో పరవశాన్నో