ఈ పుట ఆమోదించబడ్డది
76. అడుగుజాడలు కనపడుతున్నా
అనుసరించలేని అక్షరం నా కవిత్వం.
77. మరణస్తాను
నువ్వు తోడుండే నిన్నల్లోనే
78. ఉలౌదామనుకున్నా
నొప్పి కలుగుతుందని అలగా మారా
79. లోలాకులూ చాటు కావాలంటున్నాయి
నీ చిలిపికబుర్లు వింటున్నాయిగా
80. వర్తమానమో అతుకుల బొంత
ఎప్పుడూ మదిచిరుగులు కనిపిస్తూనే
81. మరణం చిన్నబోతోంది
మరికొందరికి అవయవదానంతో జీవం చూసి
82. మేధావివే నెత్తురు రానీయవు
సుతిమెత్తగా గుండెను కోస్తూ
83. వేచి విసుగ్గా రాల్తునాయి
కాలపుకొమ్మ నుంచి క్షణాలపూలు
84. గడియారానికీ నాలా బద్ధాకమేమో
నెమ్మదిగా ముళ్ళను కదిలిస్తూ
85. ష్.... చెలిమి నిదురిస్తోంది
నీ పలుకుల అలికిడినీయకు