ఈ పుట ఆమోదించబడ్డది
6. తోటంతా పూసాయి పూలు
ఏవెక్కడకెడతాయో తెలీదు గానీ
7. మానవత్వం మరణించింది
ఓ నిమిషం మౌనం పాటిద్దాం
8. తనువెంత శ్రమిస్తోందీ
చచ్చేదాక బ్రతికేందుకు
9. కాయితప్పడవలకిక శలవే
నే పెద్దైపోయానుగా
10. పడిపోతానని భయమేమో
జాబిలెప్పుడు ఇంద్రధనుసు పల్లకీ ఎక్కడు
11. చందామామని గోడకుర్చీ వేయించాలి
ప్రతీఅమాసకీ స్కూల్ మానేస్తాడు
12. చినుకుపిల్లకి భలే ధైర్యం
ఎవరికీ చెప్పకుండ వచ్చేస్తుందెప్పుడూ
13. తుషార కన్యది ఏ కాలేజో
గడ్డిపరకలపై కూడ ఇళ్ళు కట్టేస్తుంది
14. మట్టి చల్లబడుతోంది
రాలిన పూల పరిమళం పీల్చుతూ
15. వసంతం
ప్రకృతికి సీమంతమేమో