ఈ పుట ఆమోదించబడ్డది
<poem>106. రెండిళ్ళపూజారి.... సూరీడు
ఉదయం తూరుపింట్లో ....సాయంత్రం పడమరింట్లో
107. దాగుడుమూతలు ఆడుతున్న సూర్యచంద్రులు
ఒకరికొకరు యుగాలుగా పట్టుబడకుంఫడా
108. వెతుకుతూనే ఉంటాయి నా కళ్ళు
ఇలలోనో, కలలోనో నువ్వు పట్టుబడేవరకు
109. మగజాతికిది తీరని అన్యాయమే
కవులు, కవయిత్రులు అందరూ...మగువల గురించే వర్ణిస్తుంటే
110. భారంగా నా కనులు
నిద్ర కరువై కాదు సుమా... నీతలపులు కరువయే
111. పచ్చనోటుపై బాపూజీ బోసినవ్వుల తెల్ల'ధనం'
నల్లధనంగా మిగిలిపోతున్నానని తెలియదు పాపం
112. మాసానికోసారి ఉప్పొంగే వెన్నెల సంద్రం
భూమి తీరాన్ని వెలుగులతో తడుపుతూ
113. జీవనది కాలం
ప్రవహిస్తుంటుంది సమయం
114. కళ్ళు మాయాదర్పణాలు
తనను తప్ప అందరిని చూపెడతాయి
115. ఆయుధ సరఫరా చేస్తున్న వసంతుడు
మన్మథుడి వింటికి పూబాణాలను అందిస్తూ
మణిమాలికలు: విశ్వనాద్ గౌడ్ ఈడిగ </poem>