86.
కళ్ళ పొలిమేర దాటని కలలు
ఎక్కడ పుట్టాయో అక్కడే సమాధవుతూ
87.
ఆమె... ఒక పాలకడలి
తన జీవితాన్నిమథించి అమృతమిం ప్రేమ పంచుతుంది.
88.
ఓర్చుకోవడం ఏ గురువు వద్ద నేర్చుకుందో
గుండెల్లో అగ్నిపర్వతం బ్రద్దలవుతున్నా చలించదు స్త్రీ
89.
వలపన్నుతోంది నిద్ర
కళ్ళలో సంచరించే కలలను పట్టుకోవాలని
90.
ఎంత దోపిడి...కష్టం చేతులదైతే
అలసిపోయి సుఖనిద్రను అనుభవించేదేమో కళ్ళు
91.
నీతో జీవించాలనే నా ఆశల కెరటం
నువ్వు చేరువయిన రోజు తాకుతుందది ఆనందాలతీరం
92.
నీ జ్ఞాపకాలు 'చల్లకుండ'
నా గుండె తడారినప్పుడల్లా ఆశల నీరు పోస్తూ
93.
పెత్తనమంతా నీదే
నామనసునెపుడో నీ దాసిగా చేశా
94.
ఇద్దరిదీ ఏకగ్రీవ ఎన్నికే
పగటి నియోజకవర్గంలో సూరీడు రాత్రి నియోజకవర్గంలో చంద్రుడు!
95.
జ్వలిస్తూ మది గుండంలోని జ్ఞాపకాల కణకణాలు
కలకలం రేపుతూ బూడిదవుతున్నఆశల ఆనవాళ్ళు
184
మణి మాలికలు జ విశ్వనాథ్‌ గౌడ్‌ ఈడిగ
