ఈ పుట ఆమోదించబడ్డది
178
26.
మనసు ప్రమేయం లేకుండా మనిషి ప్రయాణం
మానవత్వపు శిఖరం నుండి మృగత్వపు అగాధంలోకి
27.
నాట్య మయూరివే
నాపై కోపం వచ్చినప్పుడల్లా చిందేస్తూ
28.
రాయి, రాయి దగ్గరైతే అగ్ని
నువ్వు, నేను దూరమైతే విరహాగ్ని
29.
భూమి విశాలమైనదే
నాది, నీదంటు కంచెలు వేస్తారంతే
30.
జాతరేదో జరుపుకుంటోది నామది
నీ జ్ఞాపకాలన్నీ పోగేసుకుని
31.
మదిమూత తీయవూ
ప్రేమరసం నింపాలి
32.
వెన్నెల మైదానమైం ది
మన రాసక్రీడలకు
33.
తీరం కనపడదే
నీజ్ఞాపకాల నావలో ఎంత పయనించినా.
34.
జడివానవే నువ్వు
ఎడతెరిపి లేకుండా నీతలపులు కురిపిస్తూ
35.
నా గుండె వేగంగా కొట్టుకుంటోంది
నువ్వేమైనా మది తలుపు తట్టావా?
మణి మాలికలు జ విశ్వనాథ్ గౌడ్ ఈడిగ