పుట:Manimalikalu.pdf/145

వికీసోర్స్ నుండి
ఈ పుట ఆమోదించబడ్డది

16.

 మాట గుండెను భేదిస్తే
మౌనం మనసును కోసేస్తుంది

17.

నిన్ను చూసాకే అనుకున్నా
కంటికి తలుపులు ఎందుకని?

18.

సూర్యుడంటే కోపం తొందరగా వచ్చేసాడని
చంద్రుడంటే కోపం త్వరగా వెళ్లిపోయాడని

19.

నా కన్నీటికి అసూయ
నువ్వుండగా దరి చేరనీయవని

20.

కొత్త హీరొయిన్‌ ఇంట్లో దొరికాయి అగ్గిపెట్టెలు
అందులో ఉన్నాయి వేల జతల బట్టలు

21.

మొబైల్‌ జారిపడింది
ఇల్లంతా ముత్యాలే

22.

విరితేనెలకు...అధరసుధల్తో పోటీ
పొట్టేలు కొండతో డీకొన్నట్లే!

23.

గుడిలో దేవునికి చక్కరపొంగలి
మెట్లమీద బిచ్చగత్తెకు నేడు కూడ లేదు అంబలి

24.

అమాసలో నీరేడు రాలేదనా?
సిగమల్లెలు ఆకాశాన విసిరేసావ్‌

25.

సత్యభామ రియల్‌ ఎస్టేట్లో ప్రవేశం
తులసివనాల కొనుగోలుతో వ్యాపారం ప్రారంభం

మణి మాలికలు జ శ్రీనివాస్‌ ఆర్‌.వీ.ఎస్‌.ఎస్‌

145