ఈ పుట ఆమోదించబడ్డది
134
26.
నీతలపుల వాకిటనే కునుకు తీస్తున్నా
వలపుల తలుపులను తెరుస్తావనే ఆశతో
27.
ఇంత మొండిది ఏమిటో నా మనస్సు
నన్ను కాదాని నీకే వత్తాసు పలుకుతోంది
28.
సిగ్గుల మొగ్గలు విచ్చుకుంటున్నాయి
చెక్కిలిపై నీఅధరపు సంతకాలకు
29.
వలపులరేవులో ఊగిసలాడుతోంది ఊహలనావ
నీ జ్ఞాపకాల అల(ల )జడికి
30.
అరవిరిసిన నీ నవ్వులనే అద్ధుకుంటున్నాను
నా మనోకుసుమంపై , అనురాగపు పుప్పొడిగా
31.
వలపుల ముత్యాలెన్నో జాలువారుతున్నాయి
నీచెక్కి లిని తాకిన తమకంతో
32.
హృదికి సిరిమువ్వల నర్తనాలే
నీ ఊపిరివేణువు పలుకరిస్తుంటే
33.
ఆశల దీపాలనే వెలిగిస్తున్నా
చిరుగాలులకారని జ్ఞాపకాల జ్యోతులుగా
34.
మది కెరటం అలసి పోతోంది
నీఊహల ఘోషలమధ్య ఎగసి పడుతూ
35.
మనస్సు మూగబోతోంది
నీ తలపుల తపోవనంలో తచ్చాడుతుంటే
మణి మాలికలు జ సిరి వడ్డే
