ఈ పుట ఆమోదించబడ్డది
16.
మది పసిమువ్వై నర్తిస్తోంది
నీ గారాల నయగారాలకు
17.
మనోవనమంతా విరబూసిన పున్నాగలే
నీజ్ఞాపకాల పరిమళాలను వెదజల్లుతూ
18.
మదిసౌధంలో నీజ్ఞాపకాల ముత్యాలెన్నో
ఆశల సరాలుగా అల్లుకుంటూ
19.
కన్నీటి నావనై సాగిపోతున్నా
నీ జ్ఞాపకాల అలలపై
20.
నీ జ్ఞాపకాల గమకాలెన్నో
నా గుండె వేగంతో పోటీగా తాళం వేస్తూ
21.
నిశిరాతిరి వడిలో కునుకుతీస్తూనే ఉన్నా
నీ ఊసులెంతగా చిచ్చు పెడుతూన్నా
22.
వసంతఋతువులో తరువులా
ప్రేమ చిగురులు తొడుగుతోంది మనోవనమంతా
23.
నీచెక్కిలిపై చోటిస్తావా ఘడియైునా
కన్నీటి ముత్యాన్నై జారిపోతాను
24.
మరణానికైనా అడ్డుచెప్పను
మరుజన్మలోనైనా మనసిస్తానని నువ్వు మాటిస్తే
25.
స్వప్నమై మిగిలిపోతా
నీ కనుల మాటునే కొలువిస్తానంటే
మణి మాలికలు జ సిరి వడ్డే
133