ఈ పుట ఆమోదించబడ్డది
96.
నన్ను వద్దనుకునేగా వీడిపోయావ్‌
ప్రతిఅడుగులో ఎదురౌతావే జ్ఞాపకమై
97.
నేను
అనేక 'నీవు'ల కలయిక
98.
నా కనురెప్పలపై
చెలి పెదవుల సంతకం...ప్రేమ
99.
పారేసుకున్న క్షణాల్లో కొన్ని
తిరిగి ననుపలుకరిస్తున్నాయ్‌...డైరీలో
100. మారిపోయా అభిమన్యుడిగా
నీప్రేమ పద్మవ్యూహంలో
101. చెలి పాదాలను ముద్దిడనా
నాబరువుని అవి మోస్తున్నందుకు
102. తన పరిచయం కదలాడింది రెప్పలవెనుక
రేగిన గాయమై..రాయని గేయమై
103. శిశిరమా నువ్వొచ్చి ఎంచేస్తావ్‌
మదిలో ఆశలు ఎపుడో రాలిపోయాయి..తన వలన
104. గమ్యం వరకు తోడుంటాను
బౌతికంగానో..లేదంటే జ్ఞాపకంగానో
105. నీ పయనంలో నేనో మజిలీ
నాకు మాత్రం నీవే గమ్యం
మణి మాలికలు జ సాయి కామేష్‌ గుంటి
123
