71
తెలుగు సంధులు
తెలుగునందు అ - ఇ - ఉ లను కురుచ అచ్చులకు తక్క ఇతర అచ్చులకు సంధిలేదు.
1. అకారసంధి :
అత్తునకు సంధి బహుళముగానగు. అత్తు అనగా హ్రస్వ అకారము. ఇదేవిధముగ ఉత్తు = హ్రస్వ ఉకారము - ఇత్తు - హ్రస్వ ఇకారము. అత్తు - ఉత్తు - ఇత్తు. వీనిని సంస్కృతమున తవర కరణములందురు. హ్రస్వమగు అకారమునకు సంధి బహుళముగనగును, అని సూత్రార్దము.
బహుళ గ్రహణముచేత -
నిత్యముగా సంధి జరుగుట -
అయ్య - అమ్మ, అన్న - ఆకు మొదలగు పదములకు సంధి నిత్యము
రామ + అయ్య - రామయ్య
రామ + అమ్మ - రామమ్మ
రామ + అన్న - రామన్న
చింత + ఆకు - చింతాకు మొదలైనవి.
వైకల్పికముగా, జరుగుట, అనగా ఒకసారి సంధి జరుగుట, మరియొకసారి సంధి జరుగకుండుట.
ఉదా :- మేన + అత్త = మేనత్త (సంధి)
మేనయత్త (యడాగమము)
చూడక + ఉండెను = చూడకుండెను (సంధి)
చూడక యుండెను (యడాగమము)
సులభ వ్యాకరణము