పుట:Little Masters Sulabha Vyakaranamu.pdf/28

వికీసోర్స్ నుండి
ఈ పుట ఆమోదించబడ్డది

28


ఉదా : గుంపు, మంద, రాశి, ప్రోగు.
5. భావ నామవాచకము : ఇంద్రియ గోచరముగాని మనోభావముల దెల్పునవి.
ఉదా : తెలివి - ధర్మము - న్యాయము - ప్రేమ - హర్షము.
6. క్రియా నామవాచకము : క్రియలనుండి పుట్టినవి.
ఉదా : నేయు - నేత - కోయు - కోత - వండు - వంట - నడుచు - నడక.
7. లోహాది నామవాచకము : లోహాది ఘన పదార్దములను, ధాన్యమును గూర్చి తెల్పునవి.
ఉదా : బంగారము - వెండి - ఱాయి - బియ్యము.

లింగము

1. మహద్వాచకము
2. మహతీవాచకము
3. అమహద్వాచకములు

తెలుగు భాషయందు మహద్వాచకము - మహతీవాచకము - అమహద్వాచకమని లింగములు మూడు విధములు. వీనినే మహదర్దకము - మహత్యర్దకము - అమహదర్దకము అని వ్యవహరింతురు. దేవ మనుష్య జాతులలోని పురుష నామములకు మహద్వాచకములని పేరు.

ఇంద్రుడు - రావణుడు - హరి - రాముడు - రంగడు - ఇత్యాదులు

సులభ వ్యాకరణము