ఈ పుట ఆమోదించబడ్డది
18
6. హ కారము అనునాసికములు వత్తుగ వచ్చినప్పుడు అనునాసిక స్వరమే ముందుగ ఉచ్చరింపవలెను.
బ్రహ్మ పలుక వలసినది (బ్రంహ్మ అని) చిహ్నము - మధ్యాహ్నము - అపరాహ్నము - జిహ్మాగము మొదలైనవి.
7. పదము మొదట అర సున్నాగాని, నిండు సున్నాగాని యుండదు.
8. వర్గయుక్కులు వర్గయుక్కులతోనే ద్విత్వములై యుండవు.
ఎబ్భంగి - దిగ్ఘస్తి - జగద్దితము - ఉద్దారణము.
9. ఉయ్యెల - పయ్యెద - తాయెతు - అను మూడు నామపదము లందు మాత్రమే నడిమి యకారము ఎత్వము కలదిగా ఉన్నది. కనియెన్ - వినియెన్ - మొదలగునవి క్రియలు.
10. కప్తము - అనుపదము తక్క.
ప్రశ్నలు
1. సంస్కృత భాషకు అక్షరము లెన్ని ? అవిఏవి?
2. ప్రాకృత భాషకు అక్షరము లెన్ని? అవి యేవి?
3. తెనుగు భాషకు అక్షరము లెన్ని? అవి యేవి?
4. అచ్చులెన్ని? అవి యేవి? హల్లులెన్ని? అవి యేవి?
5. ఉభయాక్షరములెన్ని? అవి యేవి?
6. స్వరము లేవి? ఎందువలన?
7. వ్యంజనము లేవి? ఎందువలన?
8. వక్రములు - వక్రతమములనగానేవి? అవియేవి?
సులభ వ్యాకరణము
