పుట:Kulashekhara-mahiipaala-charitramu.pdf/41

సీ.⁠

బ్రహ్మోపనయనాదిబహుకృతుల్ గావించి                తది నీకు సంతతి యగునొ కాదొ వాపీతటాకనిర్వాహమ్ము ఘటియించి                తది నీకు సంతాన మగునొ కాదొ దేవతాయనప్రదేశముల్ నిర్మించి                తది నీకు సంతాన మగునొ కాదొ హయమేధముఖ్యభవ్యాధ్వరమ్ము లొనర్చి                తది నీకు సంతతి యగునొ కాదొ

⁠

తే.⁠

కాదొ సంతాన మా రమాకాంతపదని బద్ధసాంతఃకరణకృతభాగవతస భాసపర్యాదిసోపానపంక్తి నీకు సంతతి కొఱంత యెట్లయ్యె జనవరేణ్య!

⁠ 153

చ.⁠

అన నొడబాటు లేమి దరహాసము చారుకషాయితేక్షణో జ్జనితలనద్రుచిప్రతతిసాహ్యమునన్ నరపాలశేఖరా నన మొగిఁ జూడనొప్పెసఁగె నవ్యసముజ్జ్వలసాంధ్యరాగమే ళనశబలీకృతైందవకళాకళికాకళికాపరాగమై.

⁠ 154

ఉ.⁠

మీరలు నీతివర్తను లమేయగుణాకరులంచు ధర్మవి స్తారత నిందునందు సుఖసంగతి యే గణియించుపద్ధతిన్ జేరరు పూర్వపక్షములు జేసెద రిట్టిది రాజకార్యని స్తారకులౌ నమాత్యుల విధంబె వృథా విపరీతవాదముల్.

⁠ 155

సీ.⁠

తనయులకై ఘోరతప మాచరింపఁడే                యడవులయందు స్వాయంభువుండు సుతులకై నిష్ఠురవ్రతనిష్ఠ పూనఁడే                బుధులెన్న యువనాశ్వభూమిభర్త సంతతికై యుగ్రశపథముల్ పలుకఁడే                జలధీంద్రుతో హరిశ్చంద్రనృపుఁడు ఘనపుత్రకాముఁడై క్రతు వాచరింపఁడే                బహుదక్షిణలు మీఱఁ బంక్తిరథుఁడు

⁠