Jump to content

పుట:Kulashekhara-mahiipaala-charitramu.pdf/35

వికీసోర్స్ నుండి
ఈ పుట అచ్చుదిద్దబడ్డది


⁠

గలనైన వారికెగ్గులు
పలుకంగారాదు నీతిపథ మూహింపన్.

⁠ 111


ఉ.⁠

పెంచిన తల్లిదండ్రు లరసేయక మీ పదసేవకై సమ
ర్పించిరి నన్ను మీకు బెదరింపదలంచిన నాదరించినన్
మంచిదకాక యన్యులిక మాకెవరమ్మ! మదిందలంపు మీ
పంచఁ జరించుదాన దయపాయఁగ నేమిటికమ్మ! నాయెడన్.

⁠ 112


క.⁠

తిట్టియు దీవించియుఁ జే
పట్టి కరుణఁ బ్రోచునట్టి భారంబొగి నీ
పట్టున నుండఁగ మాకి
ట్టట్టని పలుకంగ నేలనమ్మ! తలంపన్.

⁠ 113


తే.⁠

అనుచు నే వేడుటయును మాయత్త కనలి
ముసముసమటంచుఁ దప్పక మోము చూచి
చేరి నాచెంతఁ జక్కటుల్ సెప్ప నెంత
దానవని రోషమునఁ బడఁదన్నె నయ్య!

⁠ 114


క.⁠

అంతటఁ దనివోవక ని
న్నింతింతలు సేతుననుచు నెగచుచు రాఁ ద
త్ప్రాంతకవాటము నిటలా
భ్యంతరమున దవిలి రక్త మరియురిఁ దొరఁగెన్.

⁠ 115


తే.⁠

అవ్విధంబున నొచ్చి యాయమ కడంక
నదియు నాయపరాధం బటంచుఁ దలచి
కూడు నుదకంబు గొననీక మూడుదినము
లుపవసింపగఁ జేసె నన్ గృపదొలంగి.

⁠ 116


ఉ.⁠

మూఁడవనాఁడు దప్పిగొని మూర్ఛమునింగెడి నన్ను జూచి క్రొ
వ్వాడిమసమ్మునన్ గపటవైఖరి గైకొని మేలిమీగడల్
గూడగఁ బాలు పాత్రనిడి గొబ్బునఁగ్రోలెడిగాని బింకఁపుం
జేడియ! దీని నీమగనిచేతికి నిమ్మని రే యొసంగుచున్.

⁠ 117