పుట:Kulashekhara-mahiipaala-charitramu.pdf/33

తే.⁠

మెకమువలె నిట్లు రేగి నామీఁద మగని మదిని మఱఁదులయాత్మల మామగారి యుల్లమున సివమెత్తిన ట్లుగ్రకోప బుద్ధి పుట్టించె నేమి సెప్పుదు నరేంద్ర!

⁠ 100

క.⁠

మును గయ్యాళితనమ్మున నొనరిన మా యాడుబిడ్డ లుగ్రతఁ దమ్ముం జనని కనుగిలుప నా మా టనినం బైవత్తురొంటియడుగున నధిపా!

⁠ 101

చ.⁠

తెలతెల వేఁగునంతనె యతిత్వరగైకొని మేలు కాంచి ని ర్మలముఖమార్జనాదుల సమంజసనై గృహశుద్ధి మున్నుగా నల నొనరించి శాకములు నన్నము డింపగ నిద్రదేఱి యొ త్తిలి గళమెత్తి యత్త నను దిట్టును గూఁతులు తోడుపల్కఁగన్.

⁠ 102

సీ.⁠

మా తండ్రి యొసఁగిన మాణిక్యకటకముల్                తెమ్మంచుఁ దనదు సందిట ఘటించె నమ్మ పెట్టిన పటుటంచుచీరలు నాల్గు                డక్కరి తోడికోడండ్ర కొసఁగె ముత్తవ దయసేయు ముత్యాలపట్టెడ                పడిఁ బుచ్చుకొని కూఁతుమెడఁ దవిల్చె యన్న యిచ్చిన పదార్వన్నెయొడ్డాణమ్ము                వదలించి చెల్లెలివైపు జేర్చె

⁠

తే.⁠

నన్నియును గల్గి యరణంపుటాల నమ్మి కొనియెఁ బరిచారికల నీళ్లు గూడు నిడక నెడలఁ గొట్టించె మా పుట్టినింటిసొమ్ము వీసమైనను లేకుండఁజేసె నయ్య!

⁠ 103

ఆ.⁠

మూఁడుజాము లరుగ ముంగేల నన్నమ్ము వెట్టి సనుచు నాల్గు దిట్టి దీని తిండివలన సమసెఁ గుండకుడంతయు ననుచు వీథిజనులు వినఁగ నాడు.

⁠ 104